მანგარინე
Jump to navigation
Jump to search
გუთმოთანდუ დო ისერუ,
ისერუ დო გუთმოთანდუ,
დღალეფჲ გინძას მისერგელუ,
მოფერაფას მითინს ვანდუ…
ბორჯჲ მეურს, მა ეკოფთხოზჷქ,
მუჭოთ ქირი მალაღურსჷ,
ქიფცხვანტალჷქ მარა იშენჲ,
ირფელი ჭუა ჩქიმდა მურსჷ…
მეძობელიშ ჸუდეს ვორდი,
სუმარ ჸუნდუ აბაშაშე,
ჩქინობურო ვაჩიებედჷ,
მუქ მოძირუ, მუ დუაშე?
მუ მოსკიდნა თე ქიანას,
ღურაშა მის აწარინე,
მარა ნინა მიღურნა დო
ათეშ გურშენ მანგარინე…
საქვარჲ თინა რენო ხვალე,
შვე, ჭკუმე დო რძღაფილი რდე?
სამარგალოს ქიდებად-და –
მარგალურო ოკო მირდე!
ნინა სქანი გიჸორდასჷ,
დღასჷ ვა გიჭყოლიდუა,
ვარაგადაფუა კოჩსჷ -
სოვრე მორთჷ დო სო ირდუა!