მალას (ლაშა გვასალია)

by ლაშა გვასალია

please do not remove empty parameters (see the template documentation).

მალას by ლაშა გვასალია

მალას გეშაბჭოფე ოკო
სქანი ზორღაშფერი თოლი,
თუთას მიორსხუდე მოკო
მუჭო თორსა ჭველსი ჭოლი...
 
დღას ვედგეთხუებუ, ქვექვე,
ჩელა, ჩე გოთანაშ ფერი,
სი რექ შურობუმუ ჟინ ცა
ჩქიმი თქუთქუბია ჭკვერი...
 
ეჰე, ოკონწყველე შარეფჲ,
ფურინ გაჭირებე ზესქვიშ,
კილოთ ქუდუჭყაფუ ჭარას,
ცაშე გიმულებუ ლერსის...
 
ქუმორთ პატონეფო რჩქინელჲ,
ღურშე რტებულო დო ჭყოლირჲ,
თუთაშ მუკნასოფა თოლით
გითოლენდირი დო თოლირჲ...
 
მალას გეშაბჭოფე ოკო
სქანი ზორღაშფერი თოლი!..