მაკარიაშ ბაწარეფი
Jump to navigation
Jump to search
გერგებაში დალიას
მესქილადირ ჸუბერეფი,
ოფუტე დო ფანიას
ებირაფილ ყებურეფი.
გოდოგანიშ ფალიას-
ვასხარსხალა ჭიჭიკეფი,
გართუ ბებიშ ჩერიას
განჩეფი დო მერთელეფ.
ნაღვინუ ატარიას
გაღანჩალნა მოშელეფ,
შუმილ მიქამ-გარიას
უფიფანა ოშმეშეფ.
უჩა ფოთქვი – ფარიას
მითონათუნს საფორეფ,
დოდგიმირიშ გარიას
მითნარზემი სანთელეფ.
ვარიუ მაკარიას.
მუთას ვორწყექ მოხვარეს.
აპიანიშ ვარიას
მევანგარქუ გაბარეფს.