კოჩანა.

by ბარნაბ ერლიხია

please do not remove empty parameters (see the template documentation).

კოჩანა. by ბარნაბ ერლიხია

წყუ:გაზეთი „გალი“# 3(40) 2006 წ.ხ.4

   
ჯგირ კოჩანას მუ ოკონდა–
უზოგარო ხანდება.
გიჩქდას ნტერიშ ცალუა დო
მოჯგირეში დანდება.

თის ეცადი, სქან ნტერეფქჷ
ართი – მაჟჷრას ქართანი,
მეტყურე კოცჷ ვოურჩქილა,
რწანდას ირო მართალი.

კილარხვილი გროში ორე,
ფას ვეგეძჷ ტყურასჷ,
ბუღინა კოც მოუთხილე,
ნინა ვეკორტყურასჷ.

იჸოროფე თი არდგილი
სო გიქანცეს არკვანი,
სოდეთ ნანა გიბირესჷ
დიჭყი გილაბარკალი.