იმ სილამაზეს წარსულს
Jump to navigation
Jump to search
| იმ სილამაზეს წარსულს ავტორი: ლადო ასათიანი |
| 1939 წელი |
მ. მ-ს
ჩემი ბავშვობის სახლთან
ვხვდებოდი ფერმკრთალ ასულს,
და შენ მაგონებ ახლა
იმ სილამაზეს წარსულს.
სხვა რამ, შაირის გარდა,
როგორ გაკადრო, აბა?
რარიგ გიხდება და გრთავს
ეს შინდისფერი კაბა!
ხედავ? ზამთარი ქრება,
ყვავილებს გაშლის ნუში;
ყველგან ხალისი… სევდა –
მხოლოდ პოეტის გულში.
წუხილს წაიღებს ქნარი
და სტრიქონებად დაქსოვს.
– საღამო იყო წყნარი,
თქვენთან ვიყავი, მახსოვს.