თუთაშფერჲ თუთაშხას

by პროკოფი ხარჩილავა

please do not remove empty parameters (see the template documentation).

თუთაშფერჲ თუთაშხას by პროკოფი ხარჩილავა

 
გიმასიზმარ ღორონთისჷ
ცაშე გიმულებუდ თუდო,
ტანც მუნაფა მუკაქუნდუ
დუც ბჟა გიორთუდუ ქუდო.

ვარჩხილიში ფსუაცალო
მუკობუდუ თუთა ცასჷ
დო თანდუდუ თუთაშფერო
ეთი თოისერ თუთაშხასჷ.

ანგელოზეფ მოურდესი
ღორონთიში მაჸვენჯეფო
დო თინეფიშჲ სქუალეფი
თე ქიანაშ მარენჯეფო.

გილეშესი იშო-აშო,
ცა იბირდჷ, ბჟა იბირდჷ,
დო კოც მითინ ვაცილუდჷ,
ვართ ნახანდის მიოხირდჷ.

თხა დო გერი ართო გერდჷ,
მითინჲ ვარწყედ უჩა დღასჷ...
მუდგარენი სარკო ორდუ
თი თუთაშფერჲ თუთაშხასჷ.