თენა მუდგარენ თოისერ
თენა მუდგარენ თოისერ დღა რე...
ოინალუშა ორდო ვორექ მულირ დო
ლობის ალუვოხექ გალე ხვალე,
ოგვერდაშეთ წკურუმიას...
ხასჷლაშ კაბინეტშე ჩიებაშ ხონარი გიმმურს დო...
თოისერი კოც გოკონდა -
მა მიჸორს თინა!
ვავორწყექ, ვეფჩინენქ დო მიჸორს, ფხვამანქ...
ამარ, ოსურქ გიმილ გალე,
ტელეფონს ურაგად მიდგარენს.
ჩქიმ დუდი ქიფჩინი თიშ თოლეფს დო
ქემეჸოროფჷ ჩქიმ დუდქ თიშ თოლეფიშ ინოხ.
ქაწირინე თოლშა დო სი ათეს კითხულენქინ,
სით მიჸორქ უკვე, ბგინაფულე სქან გურიშ სიტიბას,
გორწყექ მუჭო ელმეძიცა და ენგანტკვალუ
მარძგვანი ღვა სქვამასინ...
გური ხიოლით მაფშაფუ წიმოძინელ კათაშ ძირაფათ,
მიჩქ, მა ვორექ თინეფი დო
გური თიმწკუმა მიღურუ, მუჟამც კათაშ ინოჭკირუას,
უღვენობას დო უჸოროფუობას ავუხვადუქინ.
თინეფ ხოლო ხომ მა ვორექ კინ,
ხვალე, შხვადოშხვა ასა-გასას ვორეთ გიმონწყილი...
აშონას ხოლო თაქიან მულაშახ, მეტროს,
ვაგონიშ ეფშა ჸოროფა ფშაყარე,
ვაგონიშ ეფშა ხვამა ვარიგი დო ზალება ფენდაშ.
მა შურო ვაფჩოლერექ თეთ, ინა ვარ,
გური ასე ხოლო ინმაკარკაც ინოხ დო
სახეს გებჭარ ექსტაზის ვორდენ თეშ მანგურ მუდგარენ
ორთაშ დიდებუანობაშ ჩინებაშ გეშა დო
გაკვირებულო მიჯინენა აბარწაშა აწულირ
კომპანიაშ წორომოხანდეეფი.
მა მაართათ რინას, გეგნობლახი ჩქიმ კომპლექსეფი დო
შურო ვავოცადუქ ასე გოძიცელ სახეშ ტყობინაფას.
ვუჯინექ ჯუქურო ირკოც დო
ლილ ჩქიჩქუცალო ვუძიცანქ არძოს.
თინეფი ხოლო ხომ არძო მა ვორექ...