თელ ქიანა ორტვინიე
Jump to navigation
Jump to search
თელ ქიანა ორტვინიე
მოფინილი პეულეფით,
სი რექ თიში მეორტვინე,
ორსანტიექ სქან ხელეფით.
ათე თუთა დო ათე ბჟა
სქან დო ჩქიმი დუნარგა რე,
ჟინიშ ორთა მარდით ეფშა
ოკო ფხვამე, ვამანგარე!
ასე ჩქიმ გურს, ქუგორჩქინას
მუ ჸოროფა დინინტირე!
ღორონთ ჟიშე მუთმომჩინანს -
ფური ოკო გიშვაჯგირე,
მუკი-მუკი გვალა, სუკი
ჯალონეფით ოკო ვოფშე
დო ფსკალეფიშ ჸუდე-ბუკი
დობდგე ოკო ძგოპშა ძგოპშე...
მიდგაწკუმა ვაგილეფშე
მანგი ვაფუქ ალმაშარე,
ჩოლერ ვორექ თაკილეფშე -
გურ მუზმაშა ნახაშა რე...
ასე მუჟამც ათაშ წიმი
იბჯინექ დო მოხიოლუ -
ფხვადუქ, მუ მარდ გიმაწიმუ,
მუზმა მაფუ ხოლო ოლუ...