დოსქიდას მენდო

by ლაშა გვასალია

please do not remove empty parameters (see the template documentation).

დოსქიდას მენდო by ლაშა გვასალია

ობორჯექ დელუ,
მარდობათ რინა
იმენდიშ თიათ
მიოხე ნარღის,
კოჩ ვარ დო, პოფექ
უდირაკ რკინა,
ეულირ ჭყონო
ჸოროფაშ ბაღის...
ეფშა რე სინთეთ
ღორონთი – თუთა,
გეკულას გერიშ
ჸურაფათ რძღელი,
ლურენჯო ფურინ
ჸოფერე მუთა,
სისმარეფს მუჟამს
ქაწოჸუნს ჯღვერი...
 
მიბორბოლ დღალეფ
ბორიას მესქვილ,
დოსქიდას მენდო –
ჟინცაქ დო ლერსიქ!..