გინმოლუ დო მითმედინუ
Jump to navigation
Jump to search
გინმოლუ დო მითმედინუ
არძაშ უსკვამაში ნინა,
კინოხ ირ კოც ოპეკუდჷნ
ასე მითინც ვანარღ ინა.
დიხაუჩაშ რთაფაშ ხან უღჷ,
მუშ ვაჸოფე გინმაჯინე,
იშენ სქუალეფიშ ჯარ უღჷ -
ორწყე ბრელ ხანს ვაგარზინე.
შურეშმალუს წირსპალ ვაჸუნც,
მითინ ვაპალ ალმარინე,
ახალეფიშ ზისხერ ვაფუნც -
გურც აჭუ დო ანგარინე…
მუშენ ოკო დინუდასჷ,
ჩქინ სკვამ ნინა, გოსოფური,
მარგალს თენა ვაგინდასჷნ …
თექ რე გვალო გოსოფჷ გური!