გიმე-გიმე, ელე
Jump to navigation
Jump to search
გიმე-გიმე, ელე.
შური სოლე ურთა,
სერიშ მენაველე
მიგერგელუ თუთა.
მივახოლუქ დღასჷ დო
მოძირანა სერსჷ,
სო იკვანწუ ნიში?
პოპორ გვარგვასელსჷ.
სორე მუნაფეფი
ვარე ჯა დო ქუა,
ჩქიმი ნარღი სქანო
ჭანდიშ მინასქუა.
ბარჩხალია ნოთე
გვალო მერთემებე.
ზუღაშ მერჩხვიაფი
დოჭყაფე დო თებე.
თეშ მიჯინე ასე,
ოკო სინთეშ რღვაფა,
მუ ხანი რე ოკო
ჩქიმი მეტყურაფა.
გიმე-გიმე, ელე.
შური სოლე ურთა,
ათე მესოფელე
მიგერგელუ თუთა.