ბორიაქ ოკონდა რშვინას

by ზაალ ჯალაღონია

please do not remove empty parameters (see the template documentation).

* * * by ზაალ ჯალაღონია

ბორიაქ ოკონდა რშვინას,
ჭვემას დუდ ქოგაშინას.
ცაქ კოკაშიას ხოლო
ბოლოშა ეკუკინას.
უჯინექ ნირსიშ შილას,
ჯას მიკოჸინილ ხილას.
ქომებშულადექ მემჩქუნ,
უგაღე კათაშ რჩქილას.
სისმარიშ ნოქოხიას,
მილმებწისუა თიას.
ღორონთიშ ნანას კოლხურო,
კინე უძახუქ დიას.
ბორიაქ ოკონდა რშვინას,
თაშ ნოჩქვე ანაქიას.
ჭვემას დუდ ქოგაშინას,
ოკონდა ათირქიას.