აცანეფი
| აცანეფი by |
| http://afxazurmegruli.blogspot.com/ |
ნარაგადუშე მოურს,აფხაზეთის ეიშა-გვალო ჯვეშო აცანეფი ოხორანდეს, ასე თე კათა ბრელ ხანიშ დინაფილ რე.აცანეფი გვალებს ოხორანდეს დო, მუჭო იჩიებუნან, თიჯგუა ჭიჭე ტანიშ ჸოფენა ნამდა, გაჭირებულო ეშეშეს გვიმარეფშა თიშ ნოჸელეფ მოუჭკირდესკო დო გიონჯირალო გეგმირინესკონ.
თი დროს გვალეფს ჭვემა, თირ, ჸინ დო ბორია ვაუჩქუდუ, ირიათო ტაროზი რდუ.აცანეფს მუთუნ ვარკუდესნ თეშ ცხორენდეს,მუთუნშა ვაშქურდეს, მითინს ვეკნუდირკუდეს, ღორონთი ვაჸუნდეს, ჩქინ მეტ მირე ჩქინ რინაშ გამგე დო უნჩაშია,-იჩიებდეს დო მითინიშ ძალას ვაჩინებულენდეს მუნეფიშ დუდიშ მეტის.
ართშა, შქასერს,მუჟამსთ აცანეფი აცანდარას-ქუათ ეშაჭოფილ დიხას რდესნ, უცფას ჟიშე, მითინ ველუდუნ თიწკუმა,ორქოშ კარაჩხაქ ქეითოლ ,თის ორქოშ ონწე ინოდგუდ, სოდე ახალგორჩქინელი ჩქჩქ ინოჯანუდ. აცანეფს მანგარქ ახიოლეს, ჩქჩქ გურშა ქიხუტოლეს დო რდუალა ქუდუჭყეს.
გენკორთ მუზმ ხანქ,მარა ოკო ითქუას. სოდე შხვაშ რდუალას წანეფ ოკოდუნ თექი, თე ჩქჩქ ირ დღას ძინულენდ.მუჟამს კაბეტო გინირთუნ გასაკვირ კითხირით ვამასვანჯუ მუშ მარდუალეფი:ავა, თქვა აცანეფი არამხუტუ კათა რეთია დო აბა, ქორედო ვარია თიჯგუა ძალა, ნამუთ თქვა გეგორჯგინანანია, მი იჸინია თქვან გერე. არძოშ არძოშ უნჩაშიქ, ნამუთ სუმოშ წანერი რდუნ, თიქ უწუ: მი რენია ჩქინ გერე,ხვალე, მუჟამ დიდ თირქ ქუმორთუა დო თის დაჩხირქ ქუმანტუადა, ეთიწკმა შილებენია არძოქ ართო გეშაბლათიან, შხვანერო ჩქინდა მითინს ვამარიებენია. ათეშ რაგადი დო თე ბოშიქ ხოლო ქიგედინ, ართიანს გაკითხანდეს:სო იდუა, ბრელ გორეს მარა ვეგიაგორე, ბრელ იწუხეს დო უკული ბედის ქიმეჩეს დუდი. გენკორთ ხანქ დო ართშა აცანეფიშ ბაბუქ ქოძირ რინტუ ჟი გვალას მიკორდუ დო ძიგირს მიკოკიკონუნდუნ, თეს გინძე ბჟაკე უღუდუ, ახავაია,- თქუ,-ქუმორთუა ჩქიმ ღურაშ დღაქია დო მუშ მაჸალებს ქიგნაძახუ:ვაი ჩქინ დუს, აჰუფჰა(ნარდი) ვარი ჩქინ მაყვილარი მირდუნანია, მუ გორაგადაფუანსია თეს, მუქ მუკოიოლუა თეჯგუაქ დო ქუგაშაყარეს შხვეფქ. ბადიდიქ კით ქაძირუ რინტუშე დო თქუ, აიშა ჩქინწკმა ბორია ვაუჩქუდუა დო ასე ქარწყეთია, მუ ამბეს რენია რინტუშ ბჟაკენ, თენა ჩქინ დინაფაშა უჩქუნია.
ბორია ინძალუაფუდუ, თეს თირქ ქუმაჸუნ,თიზმა თუ ჟირ საჟენიშ ეშე ქიმიანჭ.