ასე კუნტას შურჲ მემიღუ

by კოტე ნაჭყებია

please do not remove empty parameters (see the template documentation).

ასე კუნტას შურჲ მემიღუ by [[Author:კოტე ნაჭყებია|კოტე ნაჭყებია]]

h

   
ასე კუნტას შურჲ მემიღუ,
ვამკო მითინქ გეგასჷნი,
საწმოხონოშჲ მაულარო
ქჷდიბსქიდენჲ ქექასჷნი...

ვადებღორჲ და ღურჳ ალმორე,
მილასირანს სუასჷნი,
გურიშ ნარღო მოგურუანს
ჯღალიშჲ გეკასუასჷნი.

ფუბრინენი, სო ფუბრინა,
ვადოდვალირქ დღაშჲ დო სერქ,
მუდგარენი მიქინძუანს,
მაძაკელათ გილეძეკ.

ეგბა შურიშჲ რწაფუათ
გურწკმა ართო დობსქიდენი,
ათე ჩქიმი რინიშჲ დღათ
ღურჳზმა ვარა დობსქიდენი.