ამდღარობა

by ლაშა გვასალია

please do not remove empty parameters (see the template documentation).

ამდღარობა by ლაშა გვასალია

სანთელ შარას ორჩქინანსჷ
შურიშ სინთეთ ენტებულჲ,
წკურუმია მორცქინანს
ბარჩხალიაშ მეტებულჲ...

გატყურია თოლონჭეს
კუმაცალო გართუ შურჲ,
თეზმა ცოდას მუკარჩხალო
მუს ოხვარუ ხვალე შხურჲ?

მუნმარზანს მუნაფასჷ
დაჩხერეფსჷ ჭითა გვერი,
აკორთელე ორთაცალო
მინ ბორო დო მინი ჭკვერი...

გარხვანხვატუ ოფუტესჷ
დღა იმენდეფ დინაფილი,
თეშ მეჯინუს ბაღრეცალო
გური მაფუ შინაფილი...

სანთელ შარას ორჩქინანსჷ
შურიშ სინთეთ ენტებული,
წკურუმია მორცქინანს
უღორონთეთ მეტებული!..