ა
აბეს კაბეს გეუჭაბუანსია.
ადრეიან ენადგინა ყურდგელშა წიარს ვამაჭიშენია.
ადრეიანი ირფელი ჯგირი რე ღურაში მეტია.
ათოსუმა უჩქჷნი, თის ათოსქირაფათი უჩქჷნია.
ათოსუმაშ წამალ ღოლეს დო მაჟირა ქოდიჭყუა.
აკა სიტყვას ორხვალი კოც ქაარაგადაფუანანია.
აკაშა მარცხი ქომოხვადუნ, უკულ ნარღება მუს ოხვარუნია.
ალალ-მართალ კოჩის ღორონთი ვემიოდინუანსია.
ალალობა სარალობა რენია.
ალალსია ცხენი ვართი ღურელო უდინუ დო ვართი ცოცხალოვა.
ალაყურტის ხოლო ყირტუა ოკონია.
ალმაძიცეს ალმანგარე უჯგუნია.
ამდღარ საქმე ჭუმეშა ვაგნოდვავა.
ამდღარი ღურა ჭუმეშავა.
ამდღა-ჭუმეთი ზოთონჯქ ქუმაჭიშუა.
ამდღა-ჭუმე დღას ველიებუნია.
ამინდი ოჭუმარეშე მერჩქინდუნია.
ანარკიაშა ჩხომი ჭვილი მეუღუდესია.
ანგარიში ჯიმა დო ჯიმა შქას რენია.
ანგიშ მანგი ჩანჩალაკია.
ანგურა მუზმა ხეჭერუენი, წინდა ვამკურცჷ.
ანთალაქ მა მაღორუ, ანთალას მა ვაღორენქ.
ანთხებულ ცხენს ნაბადის ვაძირანანია.
ანწი მაჟირა დუს მითინ ვემნორდგუნსია.
არგუნი ცხვენს გიმაძუდუა დო ხოჯი ეშე ეშმაჸუნდეს ოჸვილაროვა.
არგუნცჷ ბურჭული გიოჸოთესია.
არგუნს ვაჭკირუნ, თინა-ნინაქ გოჭკირუა.
არდგილიშ ლებიას არდგილიშ წყარი ხაშუნსია.
ართი მასარიშა ღობერი ვემკიღობენია.
ართი ბჟაშე ჸვალი დო მარწვენი ართო ვაგშუურსია.
ართი დორულაფას წყარი ქიდირულუანსია.
ართი დღა ბაღირესით ქოხვადუნია.
ართ დღაშ მეტებულ საქმექ ჟარნეჩ დღაშა გინიდუა.
ართი ვაი რე, მაჟირა უია.
ართი ვაშუნ თის ჟირ ქოჩესია.
ართი ვაჭკომუნი, თისი ჟირი ქოჩეშია
ართი ვეჩინუნ, თის ჟირი ქაჩინებაფესია.
ართი თეში ვეჭყორდჷ, მაჟირაქ ვადიხორასიანი.
ართი თხირიში გური ჩხორო ჯიმალეფქ გირთესია.
ართი იბირსინი, თიწკჷმა მაჟირა ინგარსია.
ართი იძიცანცჷ-და, დუც გაძიცანცია; ჟირი იძიცანცჷ-და, ართიანც გაძიცანსია; სუმი იძიცანცჷ-და, საქმეშენი იძიცანანია.
ართი კოს სუმი კოჩქ ჸვერე რექია ქუუწუდა, თოლიშა ხეს ქომიფუჩონუანს.
ართი კოც ხვალე სოფელი ვაშენებენია.
ართი კოჩიშო ჟირი კოჩი ლაშქარი რენია.
ართი ლუკა თოფურქ თუნთის ქიგიოსქიდუა.
ართი მატახალც ოში მუმაგებელი ვეიალენია.
ართი მორქიათ ჯა ვეკვათენია.
ართი მორქიათ ჩქიმი სქუას ლევანი გივოდვია.
ართი მოჭვალუათი სელეგინი ვეჭვალენია.
ართი ოხვამე დოტახეს დო მაჟირას აკეთენდესია.
ართი ოხვამური პაპასითი ქააჩირთუნია.
ართი რდას, ჯგირი რდას, მუთუნიშა ღირჷდას.
ართ სენ ფაფირს ონოღია გიოდინუ ხინტირიაქია.
ართი სქუა- ვამხე სქუა, ჟირი სქუა- ჯგირი სქუა, სუმი სქუა- რსული სქუა, სუმიშ უკული- ჩხოროჯგუა.
ართი უცბას სოფელი ვაშენებენია.
ართ ქიჸანას პაპას ვადუჯერესია დო ჯოღორს ქოვა.
ართ ღორონთ ორწყე ჩქიმ სიმართლესია.
ართ შურიშო ქოთქვი დო ართ გურიშოვა.
ართი შხურიშო ქობთქუათ დო ართი გერიშო.
ართი ცოდა მაქიმინალს უღუნია დო ოში მარაგადესია.
ართი ცოდა მახინჯის უღუნია დო ჩხორო მინჯესია.
ართი წიკვილ ღეჯქ ოში ღეჯი დოწიკუა.
ართი ჭკვერულს ბორო ხოლო თქუანსია.
ართი ხართას ვენოძჷდ დო მაჟირაშა გინმარღვანდესია.
ართ ხოჯის ტყები ჟირშა ვემკანწყუმუნია.
ართი ჸორადილი უშქური ოში უშქურც ჸორიდუნცია.
ართი ჯიმა ღურუდუა, მაჟირა ბაწარს წკუმონტუნდუა.
ართის ლაშქარ უჭირდუ დო მაჟირას ხვიტი.
ართის მუ უჭირცჷნი, მაჟირას მუ უჩქჷნია.
ართიშა კოც ნახაფულით ხოლო დაღორენანია.
ართიშა ჸვილირი გური მუთუნს ვაგათელებენია.
ართიშა ხანგასით დუჯერა.
ართიშ მეტიშა ხვალე ბული იტყაბარუნია.
ართშა დედიბის ხოლო ქამარცხინუ კურდღელქ.
ართშა ქვარა ხოლო ქიდიყურყინუანსია.
ართშახ დინაბადი ართშახ ღურუნია.
ართშახ მი ვაჩირთუნია.
არიკის ართკაკალი ტყურა ვარენია.
არძა ართი ჯვარალეფი რენანია.
არძა ბოროს მუში დუდი ჭკვერი უჩქჷნია.
არძა ოჯახის მუშ კოტო წყარი ფუნსია.
არძა მუშ მანგის გორუნსია.
არძა პიორი ვამკიღანსია.
არძა ღურა ღურა ვარენია.
არძა ჯას ქალაწიკვანქჷნი, ნამუს ალადოხოდუქია.
არძა ცხენი თის ვაკეთენს, მუსით დიდა აკეთენდუა.
არძა ცხენს ცხენს უძახუნა, მარა ბედაური გვალო შხვა რენია.
არძა ჯოღორი ართი კეტით ველახენია.
ა ჭუკი დო ა რხვილი.
ართი ჯგუნჯგიშა ღობერ ვემკიღობე,