နကုလမာတု ဥပါသကာမ အကြောင်း
| ←(၈) ကာတိယာနီ ဥပါသိကာမ အကြောင်း | မဟာဗုဒ္ဓဝင် by (၉) နကုလမာတု ဥပါသကာမ အကြောင်း |
(၁၀) ကုရရဃရမြို့နေ ကာဠီဥပါသိကာအကြောင်း→ |
(၉) နကုလမာတုဥပါသိကအကြောင်း
(ဤနကုလမာတု ဥပါသိကာအကြောင်းကို အောက် ဥပါသကစရိတခဏ်း ၁၀-နကုလပိတု ဥပါသကာအကြောင်း၌ ဆိုအပ်ခဲ့ပြီးသော နည်းအတိုင်း သိမှတ်ရာ၏။ အထူးအားဖြင့် နကုလပိတု ဥပါသကာနေရာ၌ နကုလမာတု ဥပါသိကာကို အဦးပြု၍ သိမှတ်ရာ၏။
နကုလပိတုဥပါသကာနှင့် နကုလမာတု ဥပါသိကာတို့ ဇနီးမောင်နှံ နှစ်ဦးလုံးပင် ပဒုမုတ္တရမြတ်စွာ လက်ထက်တော်အခါ၌ နကုလပိတု ဥပါသကာအလောင်း အမျိုးကောင်းသားက ဥပါသကာတယောက်ကို ပဒုမုတ္တရ မြတ်စွာဘုရားက ဝိဿာသကအရာ၌ ဧတဒဂ် ထားတော်မူသည်ကို တွေ့မြင်ရ၍ အဓိကာရကောင်းမှု ကုသိုလ်ကို ပြုပြီးလျှင် ထိုဝိဿာသက ဧတဒဂ်ရာထူးကို ဆုပန်ခဲ့သည့်နည်းတူ နကုလမာတု ဥပါသိကာအလောင်း အမျိုးကောင်းသမီးသည်လည်း ဥပါသိကာမ တယောက်ကို ပဒုမုတ္တရ မြတ်စွာဘုရားရှင်က ဝိဿာသိကအရာ၌ ဧတဒဂ် ထားတော်မူသည်ကို တွေ့မြင်ရ၍ အဓိကာရကောင်းမှု ကုသိုလ်ကိုပြုပြီးလျှင် ထိုဝိဿာသိကရာထူးကို ဆုပန်ခဲ့လေသည်။ ဝတ္ထုသွားပုံ အလားတူသောကြောင့် အဋ္ဌကထာ၌ အထူး မဖွင့်ပြတော့ချေ။
ဤနကုလမာတု ဥပါသိကာသည်လည်း နကုလပိတု ဥပါသကာနည်းတူပင် မြတ်စွာဘုရားရှင်က “ဧတဒဂ္ဂံ ဘိက္ခဝေ မမ သာဝိကာနံ
၃၄၇
ဥပါသိကာနံ ဝိဿာသိကာနံ ယဒိဒံ နကုလမာတာ ဂဟပတာနီ = ရဟန်းတို့.. (ငါဘုရားနှင့်) အကျွမ်းတဝင် ခင်မင်ရင်းနှီးသော စကားကို ပြောကြားကြသည့် ငါဘုရား၏ တပည့်မ = သာဝိကာ ဥပါသိကာတို့တွင် နကုလမာတု သူဌေးကတော်သည် အသာဆုံး အမြတ်ဆုံး ဖြစ်ပေ၏”ဟု ဝိဿာသိကအရာဝယ် ဧတဒဂ်ရာထူး၌ ထားတော်မူသည်ကို ခံရလေသည်)။
ဤကား နကုလမာတုဥပါသိကာ အကြောင်းတည်း။
**********