ကိုယ်ကျင့်အဘိဓမ္မာ/နိဂုံးလင်္ကာ
Jump to navigation
Jump to search
| ←ကျားငစဉ်းလဲအကြောင်း | ကိုယ်ကျင့်အဘိဓမ္မာ by ဧကာဒသမအခန်း နိဂုံးလင်္ကာ |
ကိုယ်ကျင့်အဘိဓမ္မာ→ |
နိဂုံးလင်္ကာ
ကျမ်းပြီး မှတ်ထုံး, ကပ္ပတ်ဖုံး၍ နိဂုံး အရာ အကျဉ်းမှာပိမ့်၊ ခုခါမျက်မြင် လူရောရှင်တို့ ပြည်ခွင်နိဗ္ဗာန် ဝင်ဘို့ရန်ဟု ဓိဋ္ဌာန်မနော, စိတ်ကြံစောလည်း သဘောရင်းနှစ် အတွင်းစစ်က, သစ်သစ် လွင်လွင်, မဖြုစင်သော်, ခေမင်ရွှေပြည် ဝေးဦးမည်ကြောင့် ငါသည်၎င်း ငါ့အပေါင်းနှင့် ငါ့နှောင်း ငယ်သား အစထား၍ တရားယူလို့ များလူ ဗိုလ်တို့ နဂိုရ် မြင့်မြင့် အလိုတင့်အောင် ကိုယ်ကျင့်အဘိဓမ္မာ ဤကျမ်းစာကို ကောင်းစေ့ တွေ့တိုင်း ရှု၍ စိတ်မှု စုံလင် အကုန် ပြင်မှ, ဂုဏ်အင် ပြည့်မော် ဘေးလောင်းတော်တို့ စံပျော်လေရာ, ပြည်မာဝယ် ရှစ်ဖြာရိပ်ဖြူ ဘိသိက်ယူလျက် နိဗ္ဗူနန်းမြင့် အောင်ခန်းဖွင့်ဘို့ အောင်သင့် အောင်ကြောင်း အောင်တပ်ပေါင်းနှင့် အောင်မောင်းဆော်ဟီး အောင်စည်တီးလျက် အောင်ကြီး အောင်ရမည် သာကိုး။
ကိုယ်ကျင့်အဘိဓမ္မာ ပြီးပြီး။