བཙན་པོ་རིམ་བྱུང་གི་ལོ་རྒྱུས།/ལེའུ་ལྔ་པ།

←ལེའུ་བཞི་པ།

བཙན་པོ་རིམ་བྱུང་གི་ལོ་རྒྱུས། ལེའུ་ལྔ་པ།

ལེའུ་དྲུག་པ།→

247 ༇འུང་གི་རྗེས་ལའ། །དབའས་ཕངས་ཏོ་རེ་དབྱི་ཚབ་རྒས་ཏེ། ཉྀ་མ་འདེ་ཞིང་མཆིས། །བཙན་པོ་ཁྲྀ་སྲོང་བརྩན

248 ཉེན་ཀར་ནས། སྐྱི་ལུང་དུ་གཤེགས་ཀར། ཕངས་ཏོ་རེ་དབྱི་ཚབ་བྱིས། །པྲྀན་སྙ་དོ་རེ་གཙུག་བློན་ལས་གསློ་ཏེ། །

249 གནའ་ཟྀང་པོ་རྗེ་རྒྱབ་དུ་བོར། །སྤུ་རྒྱལ་ཕང་དུ་ལེན་ལེན། །ཆབ་སྲིད་ཆུར་ནྀ་བསྲིངས། ཞེང་དུ་ནྀ་བསྐྱེད་བསྐྱེད་ན། །

250 མྱང་གྀས་སྲིད་མ་ཐུབ་སྟེ། །བཀྱོན་ཕབ་ནས། བདག་ཆག་སྤད་མཚན། བླར་གློ་བ་མ་རིངས། མཐང་མ་གྲང་ཞིང་

251 མཆྀས་ན། །ད་རོ་ལས་བལྟས་ན་ནི་ཉམ་ཆུད་། །རྨ་ལས་བལྟས་ན་ཕོག་སྙ་ཆེ་ཞིང་མཆྀས་ན། །བདག་རྒན་པོ་ཙམ

252 ཞྀག་མ་གུམ་པར། །དབུ་སྙུང་ཁུད་པ་ཙམ་གསོལ། བདགྀ་བུ་ཚ་བྲོ་ཁུད་པར་སྩལད་པར་ཇྀ་གནང་། །བཙན་པོ་ཡབ་

253 ནི་བདགྀ་མཆིས་བྲང་དུ་གདན་བཏིང་ཡང་གནང་ན་། །ད་ཤུལ་ཡོགས་སུ་ལ་མོ་ཆག་པ་པྲུམ་དུ་ཕྱག་ཐབ་ཙམ

254 ཞིག་གསོལ་དུ་ཇི་གནང་ཞེས་གསོལ་ནས། །དེ་ཙམ་ན་མྱང་དང་ཅོག་རོ་སྟོད་རྀམས་ལ་བཀྱོན་དབབ་པར་བགྱིས་སྟེ། །ཁྲ་ཁྲུག་

255 གྀ་རྗེས་ལ་བབ་པས། །གསོལ་དགུང་ཡང་གནང་སྟེ། །བཙན་པོ་ཞ་སྔ་ནས། །བཀའ་སྩལད་པའ། །མྱི་དྲིན

256 (ཆེན)མྱྀ་ནི་སྙིང་མྱྀ་གཆད། །རྟ་ལྷེ་འུ་རྟ་ནི་སྒལ་མྱི་དབྱུང་། །སྔ་ན་ང་འྀ་ཡབ་ཀྱི་རྀང་ལ་། །འབྲིང་ཐོ་རེ་སྦུང་བརྩན།

257 དང་། ཕངས་ཏོ་རེ་དབྱི་ཚབ་དང་ཁྱེད་གཉྀས། །ཆབ་ཕ་རོལ་ཚུ་རོལ་གྱི། །གུང་བློན་འཚོལ་ཆིག་པར་དགོད།

258 དགོད(དགོང་དགོད་)པ་ལས། འབྲིང་ཏོ་རེ་སྦུང་བསྩན་ནྀ་ཤི། །ཁྱོད་ནྀ་རྒས་སྟེ་ཉྀ་མ་འདེར་གནང་སྟེ་བཞག། །མྱང་ཞང་

259 སྣང་བློན་ཆེར་བསྐོས་ཏེ་བཞག་ན། །ཡབ་ནོངས་ནས། མྱང་གིས་ཀྱང་གློ་བ་རིངསྟེ། བཀྱོན་ཕབ་པའ

260 ཡྀན་ནོ་། །ད་ཁྱེད་དབའས་ཕ་ཆྀག་ནི། གདོའ་ཐག་གཉྀས་སུ། གློ་བ་མ་རིངས་བས། །ལ་མོ་ཆག་པ་པྲུམ་དུ

261 པྱག་ཐབ་ཀྱང་གསོལ་ཆིག། །དབུ་སྙུང་ཡང་གནང་ངོ་ཞེས་བཀའ་སྩལཏོ། །ལ་མོ་ཆག་པ་པྲུམ་དུ། །རྩང་

262 པྱེད་པུབ་སྟེ། །པྱག་ཐབ་གསོལ་ཏོ། །སྐུ་རྟེན་དུ་ཁྲབ་བསེའ་སྣ་བཅུ་ངད་། ལྡོང་པྲོམ་གྱྀ་རལ་གྱི་མདོར་ཅོད།

263 གཉིས་གསོལ་ཏོ། །བཙན་པོས་དབུ་སྙུང་ཡང་གནང་ངོ། །དབའས་དབྱི་ཚབ་སྤུན་མཚན་བདུན་ཡང་བྲོ་

264 སྩལ་ཏོ། །བཙན་པོས་བཀའ་སྩལད་བ། །དབྱྀ་ཚབ་གློ་བ་ཉེ་བས། །གུམ་ན་མཆད་པྱག་དར་ཏེ་བརྩིག་པར་གནང།

265 རྟ་ནྀ་བརྒྱའ་དགུམ་བར་གནང་། །བུ་ཚ་གང་རུང་བ་གཆིག། །གསེར་གྱི་ཡི་གེ་མྱྀ་ཆད་པར་སྩལད་པར་བཀའ།

266 སྩལ་ཏོ། །བཙན་པོ་ཞ་སྔ་ནས། །མགུར་བླངས་པའ། །ཡར་མོ་ནི་ཆུ་ཐུངས་ཀྱིས། མདོ་ནས་ནྀ་རྩང་དུ།

267 བསྲིང། ཡར་མོ་ནི་ཞེང་ཆུངས་ཀྱིས། ལྷོ་ནས་ནྀ་བྱང་དུ་བསྐྱེད། འཐམ་འཐམ་ནྀ་འདུ་འདུ་ན། ངག་རྗེས་ནྀ་མྱིས་

268 མྱྀ་བརྗོད། །འགྲོ་འགྲོ་ནི་འཆམ་འཆམ་ན། །ཆགས་ལྷམ་ནྀ་ཆུས་མྱྀ་སྣང་། ད་ནས་ནི་ཕན་ཆད་དུ། ཁྱོད་

269 གྱིས་ནྀ་ང་མ་གཏང། ང་འྀས་ནི་ཁྱོད་མྱྀ་གཏང་། །ང་འྀས་ནི་ཁྱོད་བཏང་ན། །དགུང་མཐའྀ་ནི་སྲུང་དུ་རུང་། །ཁྱོད་ཀྱིས་ནྀ་

270 ང་བཏང་ན། །ངས་པོ་ནྀ་རྨད་དུ་རུང་། །ཞེས་བཀའ་སྩལཏོ། །དེ་ནས་དབའས་དབྱི་ཚབ་ཀྱིས་མཆྀད་བླངས་པ།

271 བཙན་དུ་ནི་བདག་འཚལ་ན། །ཆུང་ན་ནི་རྗེ་ཁུར་ཆིག། །པྱུག་དུ་ནྀ་བདག་འཚལ་ན་། །ལྷ་རྀ་ནི་གཡང་སྐྱོང

272 ཤྀག། །རྗེ་འྀས་ནི་བཀའ་སྩལ་ན་གཞའ་མ་ནྀ་ཡུན་ཀྱི་སྲིད(སྲིང་)། །བྱ་འྀས་ནི་ཞུ་པུབ་ན། །ལ་པྱི་ནི་གདངས་སུ་དྲོ། །

273 ཞེས་མཆིད་བླངས་ནས། །སྤད་མཚན་བདུན་གྱྀས་གཏང་རག་ཆེད་པོ་བཏང་ངོ་། །དབུ་སྙུང་གནང་བ་འི་གོར་

274 མ་པྱག་དུ་འོན་པ་ནྀ། །རྒྱལ་འབྲིང་ལན་ཏོན་གྱིས་བླངསྟེ་པྱག་དུ་གསོལ་ནས། གོར་མ་དཀར་པོ་དངོས

275 ནྀ་། དབྱྀ་ཚབ་ཀྱི་མཆད་པ་འྀ་རྨང་དུ་བརྩིགསོ། ཞང་ལོན་ཞ་འབྲིང་དུ་བྲོ་འདོར་འདོར་བ། ཁུ་ཁྲྀ་དོ་རེ་སྨྱང་

276 ཟུང་དང་། གནུབས་སྙ་དོ་རེ་གཙུག་བློན་དང་། རྔེགས་རྒྱལ་འབྲིང་ལན་ཏོན་དང་། ཚེས་པོང་ཁྲི་བཙན་ཁོང་སྟོ

277 དང་། འོ་མ་ལྡེ་ཁྲི་བཟང་ལོད་བཙན་དང། ཁུ་སྨོན་ཏོ་རེ་ཕངས་ཚབ་དང་། རྗེ་བློན་བདུན་གྱིས་དེ་ལྟར་དབུ་སྙུང་།

278 གནང་ངོ་། །དབུ་སྙུང་གནང་བ་འྀ་ཚིག་ནི། ད་པྱིན་ཆད་ཁྱེད་སྤད་མཚན་གྱིས་། །བཙན་པོ་སྤུ་རྒྱལ་གྱི་ཞ།

279 སྔར། གློ་བ་མ་རྀངས་མཐའང་མ་གྲང་ན། །ནམ་ནམ་ནམ་ནམ། ཞ་ཞ་ཞ་ཞར་ཡང་། དབྱྀ་ཚབ་གྱི་བུ་ལ་

280 མ་ཉེས་པར་བཀྱོན་དབབ་རེ། འཕྲའ་མ་མྱི་ངག་གསན་རེ། འཕྲའ་མ་ཞིག་གསན་ན་ཡང་། ཤགས་བྱ་སྟེ།

281 ཡུས་བཀྲོལ་ནས། །བཀའས་མྱྀ་གཆད་རེ། །དབྱྀ་ཚབ་ཀྱི་བུ་ཚ་ལ་ལ་ཞིག་གྀས། མ་བསམས་སྟེ་སྙིང་

282 རིངས་ན་ཡང་། །གང་སྙིང་རྀངས་པ་ཉི་ཙེ་འི་སྒོར་མྱི་བཀྱོན་རེ། །གཞན་བྲོ་ལ་མ་གཐོགས་པ་རྣམས་

283 ལ། བཀྱོན་རེ། །ཕག་དང་ཡཚུངས་མཚོན་གྱིས་མྱྀ་དགར་རེ། བྱ་དང་མཚུངས་ཁྱུས་བདའ་རེ། མ་ཉེས་

284 པ་ཞྀག་གིས་རྔོ་ཐོག་ན་། བསྐྱུང་རེ་སྨད་རེ། །དབྱི་ཚབ་ཀྱི་བུ་གཆིག་ལ། གསེར་གྱི་ཡྀ་གེ་ལས་སྨད་རེའ།

285 ཁོལ་ཡུལ་ཡང་མ་ཉེས་པར་དཔྲོག་རེ། །སྙྀང་མ་རིངས་པར་རབས་ཆད་ན་། ཁོལ་ཡུལ་བཞེས་རེའ། །

286 ཁྱེད་གློ་བ་རིངས་ན་དབུ་སྙུང་ལ་མ་གཐོགས། །ཁྱེད་ཀྱིས་ཁོལ་ཡུལ་ཞིག་བརྗེས་སམ་པུལ་ན། དབུ་

287 སྙུང་ལ་མ་གཐོགས། ནམ་ནམ་ནམ་ནམ། ཞ་ཞ་ཞ་ཞར། སྲས་དབོན་གྱི་ཞ་སྔར་འདྀ་བཞིན་དུ

288 གནང་ངོ་། །དབྱྀ་ཚབ་སྤད་སྤུན་བྲོ་སྩལད་པའ། བཙན་པོ་སྤུ་རྒྱལ་ཁྲྀ་སྲོང་བརྩན་ཡབ་སྲས་དྔ།

289 གདུང་རྒྱུད་ལ། གློ་བ་འདྲིང་རེ། ནམ་ནམ་ཞ་ཞར་ཡང་། དབོན་སྲས་རྒྱལ་པོ་གང་མཛད་པ་ལ། གློ་བ་འདྲྀང་

290 རེ། གཞན་མྱྀ་འོ་ཆོག་ལ་རྗོ་བོ་ལྷག་པ་ཚོལ་རེ། །གཞན་གློ་བ་འདྲྀང་བར་སེམས་པ་དང་བློད་རེ།

291 ཟས་ཀྱི་དོན་བཞག་པ་དང་། དུག་དུ་བསྲེ་རེ། བཙན་པོ་ཁྲི་སློན་བཙན་ལ་། ངག་སྣ་ཆིག་འཚལ་རེའ། །

292 བདགི་པུ་མ་ནུ་དང་། བུ་ཚ་ལ་ལ་ཞིག་གྀས། །སྙིང་རྀངས་སུ་བྱེད་ན། །སྙིང་རིངས་སོ་ཞེས་ཀྱང་མྱི་འཐོལ་

293 རེའ། པུ་ནུ་སྙྀང་རིངས་པ་འྀ་གྲོགས་བྱེད་རེ། །བཙན་པོ་ལ་གཞན་ཞིག་སྙིང་རིངས་པར་ཚོར་ན་ཡང་།

294 མྱི་འཐོལ་རེ། །སུར་མྱྀ་མ་ནོངས་པ་ལ། །འཕྲའ་མ་དང་འཔྲག་དོག་མཆི་རེ། དཔོན་དུ་བཅུག་ནའ།

295 འབངས་སོ་ཆོག་ལ་སྙིང་སྙོམས་པར་མྱྀ་འཚལ་རེ། །བཙན་པོས་བཀའ་ཇྀ་སྩལད་པ་གཟུངས་སུ་

296 མྱྀ་འཛིན་རེ་ཞེས་བྲོ་སྩལད་ཏོ། །བྲོ་བོར་བ་ནྀ། དབྱི་ཚབ་དངོས་དང་། བུ་བ་སེ་དོ་རེ་ཉ་སྟོ། སྣང་ཏོ་རེ་སུམ་

297 སྣང་། ཁྲྀ་སུམ་རྗེ་ཅུང་། མང་རྗེ་བཙན་ཟུང། །ཚ་བོ་སྟག་པོ་རྗེ་མྱེས་སྣང་། མང་པོ་རྗེ་པུ་ཚབ། དང་བདུན་

298 གྱིས་བྲོ་བོར་རོའ། །