کاروانی ڕزگاری
Jump to navigation
Jump to search
سەرەتای سەرهەڵدانی شۆڕش بۆ «مام جەلال» و هاوڕێکانی وتراوە
| بەئەستەم گوێم لە سازێکە | لە نەغمە و لە ئاوازێکە |
| بەرەو ئێرە ڕێ کەوتووە | ملی ڕێگای ورد گرتووە |
| وردەوردە دێتە پێشێ | زیاتر سەرنج ڕادەکێشێ |
| وا دێتە گوێم کە ئەو دەنگە | ئەو ئاوازە دەنگی زەنگە |
| کە هاتە پێش دیم کاروانە | کاروانێکی بارگرانە |
| بارگەوبنەی هەڵپێچاوە | تەنگە و پاڵووی گرێ داوە |
| کاروانە وان هەموو شەنگن | شێوەی گورجوگۆڵ و مەنگن |
| سەرنج لە هەر کامیان ئەدەی | ئازایەتی تیا دی دەکەی |
| لێم پرسین بەرەو کوێ ئەچن؟ | وتیان کاکە بەرەو مردن |
| بەرەو مردن، چۆن وا ئەڵێن؟! | بۆچی ئێوە کاوانی کوێن؟ |
| نەمبیستووە هەتا ئێستا | کەس خۆی بەرەو مردن ببا |
| یەکێکیان نوێخەتی دابوو | کلێتەی لاری لەسەر نابوو |
| تفەنگێکی لە شاندا بوو | فیشەکدانی لەخۆ دابوو |
| پەستەکێکی مەریوانی | ڕانکوچۆغەی هەورامانی |
| وەڵامی دا وتی: تێتگەیەنم برا ئەم کاروانە گەورەی کە تۆ | |
| کاروانی کوردایەتییە | نەک کاروانی چەرچێتییە |
| بەڵکوو ئامانجی مەزنە | گرنگە، نەک مردنە |
| بەرەو مەڵبەندی ڕزگاری | تەکان دەیات بە هۆشیاری |
| وای داناوە کە هەر کۆسپێ | لە بەردەمدا و لەسەر ڕێ بێ |
| تێکڕا پەلاماری بدەین | کۆڵ نادەین تا تەختی دەکەین |
| ئێمە کە هاتووینە کاروان | خێزان، ژیان، لاوێتیمان |
| گشتیمان ناوەتە لاوە | تا یەکێکمان زیندوو ماوە |
| تا کاروان بە مەڵبەند نەگات | نابێ کەسمان وچان بیات |
| لاشمان ڕوونە و باش دەزانین | هەتا بە مەڵبەند شاد دەبین |
| ڕێگا زۆر سامناک و سەختە | گەشتن بە مەڵبەند دوو بەختە |
| بەشی زۆری نەگەیشتووە | بە دڵناکامی مردووە |
| بەڵام چونکە لەو ڕێگایە | ژیانمان لا بێبەهایە |
| با سەختیش بێ بە باوەڕین | ئەم ڕێگایە هەر دەبڕین |
| بژین دەک لە دەورتان گەڕێم | ڕێگەم دەیەن لەگەڵتان بێم |
| منیش هاوبەشی کاروان بم | لەگەڵ ئێوە ڕێگە ببڕم |
| بەرەو ڕێی ئەو مەڵبەندە | کە ژینی کوردی پێ بەندە |
| وەکوو ئێوە خۆم بەخت کەم | لەگەڵتانا کۆسپ کۆسپ تەختی دەکەم |
| منیش کوردم، کوردپەرستم | لە خوێن و مێشک و هەستم |
| کوردایەتی ئاوێتەیە | قوربانی بێ هەرچیم هەیە |
| زەردەخەنەی سەر ڕووی | خۆش و دلاوەر لەسەر ڕووی |
| هەموویانا کێشرا | پێیان وتم گشتیان تێکڕا |
| فەرموو فەرموو لەگەڵماندا تۆش ڕێکەوە | |
| بەڵکوو کاروانی گشت کوردە | کاروانی درشت و وردە |
| بەتایبەتی ئەو کوردانە | کە هەمیشە و دڵسۆزانە |
| ژیان لەسەر لەپی دەستیانە | کاروانچین و خۆ بە خاوەنی دەزانن |
| جا برای کورد تۆش دەتوانی | لەگەڵ ئێمە هاوبەش ببی |
| فەرموو برا خۆت گورج کەوە | لەگەڵ ئێمەدا پێکەوە بەڕێکەوە |
| ئەڕۆین تێکڕا کاروانە بەین | وچان نایەین هەتا دەگەین |
| لەگەڵیانا کە کەوتمە ڕێ | بەڵام چی ڕێگایەک لەبەر ناچێ |
| هەموو هەوراز و چیایە | باریکەڕێ و لاپێی تیایە |
| ئەوەندەش سەخت، پێچ و دۆڵە | مرۆڤ لە ڕێ خۆی لێ کۆڵە |
| لەبەر دڕندەش هەموو ڕێ | ئەبێ دەستت لەسەر پێ بێ |
| سەرنجم داوە دەستەیەک | لە پێشەوە جوان یەک بە یەک |
| ورد بوومەوە لەسەر ڕێیان | لە ڕۆین و جلوبەرگیان |
| زۆر هۆشیار و قارەمان بوون | بە وردبینی بۆ پێش دەچوون |
| لەدوای ئەوانەوە کاروان | ملی ڕێی ئەدا بێوچان |
| ئەوانە بوون پێشڕەوەکەی پێشەوە | دەمزانی قەت سڵ ناکەنەوە |
| لە ڕێی گەیشتنی کاروانا | گوڵی گەنجێتییان دانا |
| هەر کەسێکیان بەهەمیشە | لە لایان ببوو بە پیشە |
| لەناو کارواندا دەگەڕان | بێ چاوەڕێیی هانیان دەیان |
| با ڕێگاکەش وا سەخت بێ | دڵنیا بن دەگەینە جێ |
| زۆربوونی ئەو کۆسپانە | کار ناکاتە ئەو گیانانە |
| کە وەک پۆڵان ڕێگە دەبڕن | بە ژیانیان گەشتن دەکڕن |
| هەموو کاروان ناسیارن | کە پێشڕەوی ڕاستیانن |
| هەر بە پێشەوای ئەوان | بە بیر و ئازاییی ئەوان |
| کاروانەکەی بەجێ ئەگات | ڕێگای مەڵبەند بزر ناکات |
| ڕووبەڕووی دوژمن | من کێم و تۆ ناکات |
This work is first published in Iraq and is now in the public domain because its copyright protection has expired by virtue of the Law No. 3 of 1971 on Copyright, amended 2004 by Order No. 83, Amendment to the Copyright Law. The work meets one of the following criteria:
- It is an anonymous work or pseudonymous work and 50 years have passed since the year of its publication
- It is a work where the copyright holder is a legal entity or a work of applied art and 50 years have passed since the year of its publication
- It is a photographic or cinematic work that is not compositive (artistic in nature) first published before 1 January 1999
- It is work published in Iraq before 1 January 1954, and the author died before 1 January 1979
- It is another kind of work, and 50 years have passed since the year of death of the author (or last-surviving author)
- It is one of "collections of official documents, such as texts of international laws, regulations and agreements, judicial judgements and various official documents."
- It is the work of a body corporate, public or private, published by January 1st, 1980 (Article 20, 1971 law).
Public domainPublic domainfalsefalse