زه چې هسې په تعجيل او په شتاب ځم
Jump to navigation
Jump to search
زه چې هسې په تعجيــــل او په شتــــاب ځم
خرابات لره په هيله د شـراب ځم
د ساقي د لاسه مى چې تتاول كړم
بيا په بيارته به بېخوده مست خراب ځم
د ساقي د مــخ جذبـه مې مخ ته بـولي
چې دا هسې ميكدې ته په ترتــاب ځم
درد د درد مـې يـــې له خمـه دى نوشــــلى
اوس په هيـله په اميـد د مى نــاب ځم
چې مې نه شي بله يو سر بل سر ستـرگې
له جهـانه مخ پوښلى په نقــــاب ځم
له دوو سترگو مې روان د اوښكو سيند شو
د دې سيند دپاسه زه لكه حباب ځم
خوب وخور مې له خاطره فرامـوش دى
دجمال په خيال يي درسته شپه په خواب ځم
د محبـوبې د جمـال شغلـــې اتـش دي
زه خوشحــال يې له ليدلو زړه كباب ځـم
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse