دیوانی سالم/غ
Jump to navigation
Jump to search
1[edit]
| دادەنیشێ دڵبەرم، شەو بێ چراغ | شەوق ئەدا ڕووی گەوهەری وەک شەوچراغ |
| دیم لەناو گوڵزاری ڕووی خاڵ و وتم: | ئەی عەجەب، زاغ ئاشیانەی وا لە باغ! |
| وەهـ چ دەردێکە فیراقی لالەڕوو! | حاسڵە بۆ قەلبی دڵ هەر کۆنەداغ |
| مەوجی وا خستە دڵم، تۆفانی غەم | کەوتە سەر دەریایی ئەشکم وەک قەیاغ |
| ڕائیحەی عەتری جیهان دەردیسەرە، | بۆیی زوڵفت دەست بدا گەر بۆ دەماغ |
| قانیعم سالم! بە سەحرایی جونوون | نامەوێ ئارایشی کاخ و وەتاغ |