حرب ايچنده بهار
Jump to navigation
Jump to search
بو سنه صاريشين يوزلو ايلك بهار ،
چمنلراوستنده صولغون يانيور ؛
كيزلى بر ألمله هيچقران روزكار؛
چيچكلى داللر قيميلداتيور ..
كلشنك قلبنه دوشمش بر آتش ،
يوق أشسز دولاشان قومرولره أش ؛
سرحدى آنديران افقنده كونش ،
آله ودن بر سانجاق كبى باتيور ..
قوشلرك بر آجى مرثيه سانكه ،
اوزاقدن دويولان عريب آهنكى ؛
بو سنه آچيلان كللرك رنكى
دوكولن قانلرى خاطرلاتيور ! ..
اورخان سيفى