برا گیان ئەمشەو تۆ کۆس نووتەن
Jump to navigation
Jump to search
بە زبان خالد بەگی ڕەزا بەگەوە، بەشوێن کۆچ کردنی نازارەکەیدا
برا گیان ئەمشەو تۆ کۆس نووتەن | نیشانەی زاری و زایەڵەی ڕووتەن |
وە دووی هەناسەی چیای زەبوونت | جەلا دەر وە ناو کوورەی دەروونت |
ئەمشەو نە شۆمیت زایەڵەی زەنگەن | ئەوای کەژاوەی لەیلی گوڵ ڕەنگەن |
ماچان کۆچی خێر لەیلت نەبارەن | ئەمشەو نەشومت زایەڵەی زەنگەن |
وە تاقیق ئەمشەو کۆس الکۆستەن | ناڵە و واوەیلای دومای دۆستەن |
واچە وێ ڕۆیی ئەو شۆخی دولبەر | وەی ڕۆیەن لوان نازاری کیشوەر |
وەیڕۆ سەرجەمەن من دێونان ئەمشەو | بنچینەی شاییم شێونان ئەمشەو |
دڵ جە دووری لەیل کەفتەن وە هەراس | گەرمە شینمەن دووعای لەیلی خاس |
فەڵەک تەبدیل کەرد شادی و وەسڵ لەیل | وە زاری و شیوەن نە تۆی دڵەی کەیل |
وەی ڕۆیە نەوای تلمیت بارانە | وەی ڕۆیە دومای کۆچی یارانە |
وەی ڕۆ خەرمانی عەیشم سووزیان | وەی ڕۆ من ئازام یەک یەک ڕێزیان |
وەی ڕۆ پەی دڵەی مار گەزتەی کاریم | وەی ڕۆ پەرێ دەرد نادیاریم |
وەی ڕۆ جەی سەودا یاوەنان وە پێم | ڕیسوا و حەیران من جە دەردی وێم |
برا گیان گەردوون یە ڕەفتارشەن | دڵ وە هوون کەردەن ئاخر کارشەن |
مەزانۆم ئەمشەو خاترت ڕێشەن | سەد خاری دووری تیری خەم نێشەن |
غەرقی گێژەی عەشق گیری خەمانی | ئاوارەی هەردەی دووری جانانی |
---------- | دوومایی خەم کۆتان نەمانۆ تا سەر |
هەر کەسێ وە مەیل لەیلێ دڵ کەیل بۆ | مەبۆ ئەو مەجنوون هەردە و دوجەیل بۆ |
مەبۆ غەرق گێژ سیابەختێ بۆ | گیرۆدەی تۆڕ داو زامان سەختی بۆ |
مەبۆ چون عەوداڵ کەڵپووس نەکۆڵ بۆ | |
دیوانە ئاسا جاگەش نە چۆڵ بۆ | |
وە دایم زەردی زامی هیجران بۆ | هامڕازش ناڵە و شین و گریان بۆ |
خۆراکش کەباب دڵ ئەوگاری بۆ | وەفراوش هوونا و زامی کاری بۆ |
لەیل مەبۆ چون لەیل بشۆ وە ئێڵاخ | عاشق چون مەجنوون سوچنۆ وە داخ |
ڕەوێدەی نازاران سەفا و سەیرانەن | پیشەی عاشقان هانا و گریانەن |
هەر کەس وە مەیلێ لەیلی عەوداڵ بۆ | مەبۆ چون مینە وە کۆی زووخاڵ بۆ |
1942
This work is first published in Iraq and is now in the public domain because its copyright protection has expired by virtue of the Law No. 3 of 1971 on Copyright, amended 2004 by Order No. 83, Amendment to the Copyright Law. The work meets one of the following criteria:
- It is an anonymous work or pseudonymous work and 50 years have passed since the year of its publication
- It is a work where the copyright holder is a legal entity or a work of applied art and 50 years have passed since the year of its publication
- It is a photographic or cinematic work that is not compositive (artistic in nature) first published before 1 January 1999
- It is work published in Iraq before 1 January 1954, and the author died before 1 January 1979
- It is another kind of work, and 50 years have passed since the year of death of the author (or last-surviving author)
- It is one of "collections of official documents, such as texts of international laws, regulations and agreements, judicial judgements and various official documents."
- It is the work of a body corporate, public or private, published by January 1st, 1980 (Article 20, 1971 law).
Public domainPublic domainfalsefalse