بابا نصيحتى

بابا نصيحتى محرری: رضا توفيق

بابا نصيحتى

عثمانلى اوغلويم ، بن بن ايم ! ده ين ،
يكيتجه جان ويرسين ، ملت ياشاسين !
او اولو دولته ايرمك ايسته ين ،
بو يولده آت سورسون ، ديزكين قاصماسين .


حقسزلق أولومدر ؛ حق ، ياشامقدر ؛
سورونوب ياشايان ملت آلچاقدر !
كوزونى آچ اوغل ! دشمن علاقدر ..
دولتلى قاپى يه بالطه آضماسين . .


دشمنك باصديغى يرده اوت بيتمز ؛
آچديغى يارايه مرهم كار ايتمز؛
كيرديكى يردن بر دها كيتمز ،
وطنه او مردار آياق باصماسين ! .


طوتوشوب كول اولان اوز اوجاغكدى ؛
چيكنه نوب بوزولان كندى باغندى ؛
بو كون سنى دولن ، دون اوشاغندى
سن اوندن كشيسك ، اوندن يوصمه سك


دوغرو اول بر خيرى يوقدر يالانك ؛
يورو ! حالى يامان كرى قالانك .
قورقمه ، حقى سويله ! . . يكيت اولانك
الى طوتماسه ده ديلى صوصماسين !


هى رضا ، جمله مز وطنك قولى ،
وطنه قوللق در قورتولوش يولى . .
داورانك اولادلر شو يورغون قولى
نا مردك او حائن الى ياصماسين ! .

رضا توفيق

Türkçe: tr:Baba Nasihati