Фыдыбæстæ (Гæдиаты)

by Гæдиаты Секъа

ФЫДЫБÆСТÆ

Бæрзондæй кæсынц дæлдæр-уæлдæртæ,
Къуыбаргай згъæлынц цъитийы фæзгъæртæ
Кæрæдзимæ кæсынц хуссар-цæгæттæ,
Фæйнæрдæм хæцынц хохы кæрæттæ...

Сау суадазттæ бæрзондæй ызгъорынц,
Енкъард къæдзæхты хъырныныл домынц.
Уылæнтæгæнгæ, сау денджызы мигъ,
Æрхыты нæргæ, сау хохыл æрдих.

Ныттар вæййынц сау хохы æрхытæ,
Уæд нал фæзынынц хохы цыргъытæ.
Дымгæйæн дзурынд фугæ бæлæстæ,
Сæр къулгæнгæйæ, сае хъасты ныхæстæ.

---