Пирĕн çĕршыв

by Çитăр Ехримĕ

Пирĕн çĕршыв  (1910)  by Çитăр Ехримĕ

Хайланă дата: 1910, Пичетленĕ çул: 1910. Çăлкуç: Вула Чăвашла

Пĕр аякки хĕрлĕ çыр,
Тепĕр аякки тÿрем çĕр.
Çĕр айĕнчен çул тухать,
Шăнкртатса шыв юхать,
Аслă шыва хутшăнать.
Унăн ячĕ Çарăмсем.
Унта кĕреймеççĕ арăмсем.
Çÿлерех пĕчĕкçĕ вăрман,
Ун айĕнче арман.
Арман хуçи Якку!
Ман çăнăха вак ту!
Вак тумасан – асту!
Якку вăл – чăваш,
Унан кăмăлĕ те йăваш.
Çынна усал тума мар
Вĕресе ларать сăмавар.
Арман куллен авăрать.
Ĕнсе çинчен çавăрăнать.
Арман таппи сарлака,
Ун тарăнăшне кам пĕлет?
Арман хуçи пуян та,
Ун парăмне кам пĕлет?

1910 ç. тĕлĕ