Пересьлэн кырӟанэз (Ильин)

Пересьлэн кырӟанэз Автор: Михаил Ильич Ильин

Источник: Гудыри : газет. — 1921. — № 47. — 2-тӥ бам.

Пересьлэн кырӟанэз

Ой дауре, дауре,
Лыз сяська кадь дауре;
Лыз сяськалэн тӧлӟемез кадь,
Ортчид ук тон, дауре!

Сьӧд чабейлэн сяськаез
Лымы каик тӧдьы ук,
Йырам тӧдьы йырсие
Азвесь каик чиля ук.

Укно улысь тутыгышед
Лобӟиз, кошкиз — ӧй шӧды,
Пересьмемме, губырмемме
Дымак, дымак ӧй шӧды.

---