Малалла

by Ахах Иван Евграфович

Малалла  (1918)  by Ахах Иван Евграфович

Хайланă дата: 1918, Пичетленĕ çул: 1918. Çăлкуç: chuvash.org

... Хĕн-хур курнă кун иртрĕ...
Пĕр-пĕринчен пĕрлешсе
Тăчĕç «çĕрпе ирĕкшĕн»,
Çĕрĕ халь пире тухрĕ.
Пуриншĕн те пуç çине
Хĕрлĕ ялав çĕкленчĕ,
Пирĕн юнпа хĕрелчĕ,
Куççульсемпе çăвăнчĕ.
Хăпса ялав хыçĕнчен,
Пысăк ĕçе пĕтерме
Ĕçлĕ халăх эртелĕ
Пысăк вăрçалла утрĕ...
Хамăр тăвас ĕç патне
Эпĕр хамăр çитрĕмĕр.
Ку ĕç пире йывăр пулчĕ —
Çырмапала юн юхрĕ.
Пит çирĕппĕн пĕрлешер,
Шур усала пĕтерер,
Хамăр ӳснĕ çĕршыва
Кăларăпăр çутталла,
Ялавне те çӳлелле
Çĕклĕр! Юлташ, малалла!