Велень хозяйствань артелень примерной устав/8
| ←VII. Трудонь организовамось, кисэнзэ пандомась ды сонзэ дисциплинась. | Велень хозяйствань артелень примерной устав (1939) , edited by Вечканов С., Мурзин В. VIII. Артеленть тевтнень ветямось. |
Оглавления→ |
| Велень хозяйствань артелень примерной устав. Примизе колхозниктнень-ударниктнень Всесоюзной Омбоце Съездэсь, утвердил СССР-нь Совнаркомось ды ВКП(б)-нь ЦК-сь 1935 иень февралень 17-це чистэ. — Мордгиз, 1939, Саранск. — с. 32—37 |
VIII. АРТЕЛЕНЬ ТЕВТНЕСЭ ВЕТЯМОСЬ.
19. Артелень тевтнень вети артелень члентнэнь общей собраниясь, собраниятнень ютксо шкастонть жо — общей собраниясо кочказь правлениясь.
20. Общей собраниясь ашти артелень управлениянь высшей органокс.
Общей собраниясь:
а) кочки артелень председатель ды артелень правления, истяжо артелень ревизионной комиссия, причем ревизионной комиссиянть утверждает советнэнь районной исполнительной комитетэсь;
[ 33 ] б) прими артельс од члент ды артельстэ исключает;
в) утверждает иень производственной планонть, приходонь-расходонь сметанть, строительствань планонть, теемань норматнень ды роботань расценкатнень трудочисэ;
г) утверждает МТС марто договоронть;
д) утверждает правлениянть иень отчетонзо, ревизионной комиссиянть обязательной заключениянзо марто, истяжо правлениянть отчетонзо велень хозяйствань сех важной кампаниятнень кувалт;
е) утверждает эрьва кодат фондтнэнь размерэст ды сень, зярдо эряви максомс трудочитнень лангс продуктат ды ярмакт;
ж) утверждает артелень внутренней распорядкань правилатнень.
Весе вопростнэнь кувалт, конат евтазь уставонь те пунктсонть, правлениянь решениятне общей собраниясо утверждениявтомо недействительнойть.
Весе вопростнэнь решамсто общей собраниясь действительной сэстэ, зярдо пурнавить члентнэде пеледест аволь [ 34 ]аламо, артелень правлениянть ды председателенть кочкамодо вопростонть, артельстэ исключениядо вопростонть ды эрьва кодат фондтнэнь покшолмадо вопростонть башка, конатнень решамсто эряви улемс собраниясо весе члентнэнь ⅔ пелькстэст аволь аламо.
Общей собраниянь решениятне примакшновить седе ламо вайгельтнесэ наяв голосованиясо.
21. Артелень тевтнень ветямост туртов артелень члентнэнь общей собраниясь кочки 2 иень шкас правления 5—9 ломаньстэ, артеленть покш-чинзэ лангс ванозь.
Артелень правлениясь ашти артелень исполнительной органокс ды отвечи артелень члентнэнь общей собранияст икеле артеленть роботанзо кис ды государствантень сонзэ обязательстванзо топавтомаст кис.
22. Артеленть ды сонзэ бригадатнень роботаст чиде-чис ветямонь туртов, истяжо правлениянь решениятнень топавтоманть чиде-чис проверямонзо туртов, артеленть общей собраниясь кочки [ 35 ]артелень председатель, кона теке шкане сави правлениянь председателькс.
Председателесь обязывается пурнакшномс правлениянть ковозонзо кавто раздо а седе чуросто эрьва чинь тевтнень обсужденияст туртов ды эрявикс решениянь примамонь кис.
Председателентень лездамо правлениясь кочки правлениянь члентнэстэ председателенть представлениянзо коряс председателень заместитель.
Председателень заместителесь весе эсь роботасонзо теи председателенть указаниятнень коряс.
23. Бригадиртнэнь ды животноводческой фермань заведующейтнень аравтсынзе артелень правлениясь 2 иеде аволь аламо шкас.
24. Счетоводстванть ветямонзо туртов ды имуществанть учетонть ветямонзо туртов правлениясь явты артелень члентнэстэ эли сиведи счетовод. Счетоводось вети счетоводстванть ды учетонть ладязь форматнень коряс ды педе-пев теи истя, кода мери артелень правлениясь ды сонзэ председателесь.
[ 36 ] Артелень средстватнень эсь мельсэ ютавтомс, авансонь явшемс, натуральной фондтнэнь ютавтнемс счетоводонть кодаткак праванзо арасть. Неть праватне улить ансяк правлениянть ды артелень председателенть. Артелень ярмаконь весе расходной документнэнь подписывает счетоводтонть башка артелень председателесь эли сонзэ заместителесь.
25. Ревизионной комиссиясь провери правлениянть весе хозяйственно-финансовой деятельностензэ, провери, сермалезь арась артелень приходс ладязь порядканть коряс весе ярмаконь ды натуральной поступлениятне, ванстови ли средствань расходовамонь порядкась, кона аравтозь уставсонть, сатышкасто парсте эли арась ванстыть артелень имуществанть, улить арасть салсемат ды растратат артеленть имуществанть ды ярмаконь средстватнень, кода артелесь топавты государстванть икеле эсь обязательстванзо, кода панды эсь долконзо ды кода саи долктнэнь артелень должниктнень пельде.
Теке марто ревизионной комиссиясь [ 37 ]парсте провери артеленть весе расчетонзо эсь члентнэнь марто, лангс ливти эрьва обсчетонть, трудочитнень а ладс сермалеманть, трудочинть кис а шкасто пандоманть ды артеленть ды сонзэ члентнэнь интересэст коламонь лия случайтнень.
Ревизионной комиссиясь тейни ревизия иезэнзэ нилексть. Общей собраниянть икеле правлениянть иень отчетонзо кувалт ревизионной комиссиясь максы эсинзэ заключения, конань общей собраниясь кунсолосы сеске правлениянть отчеттонзо мейле. Ревизиянь актонть утверждает общей собраниясь.
Эсь роботасонзо ревизионной комиссиясь сави подотчетнойкс артелень члентнэнь общей собраниянтень.