Бер строфа ғына. Гүзәл Ситдиҡова

* * *

Мөхәббәт ул - түгел бар донъяға
Танытайым тиеп саң ҡағыу.
Уға етә - башты башҡа терәп
Тын алғаның тыңлап тын ҡалыу

• * *
  

Еңә алмаҫ дошман башҡорт рухын ,
Күпме генә тешен ҡайраһын:
Тәбиғәткәй үҙе елберләтә
Башҡортостанымдың байрағын!

• * *
  

Донъялағы иң ҡәҙерле
Тыуған йортом - үҙ бауыр,
Атайым сығарған мейес,
Әсәм ҡуйған самыуыр

• * *
  

Таңдан тороп әсәй икмәк һала,
Бүлмәләргә тула еҫтәре,
Йылы икмәк менән һыйлы ла шул
Тыуған йорттоң ябай өҫтәле.

2014

---