İki kuş

Todur Zanet
İki Kuş

Yanardı altıncık ateş
Fidannan uçlarında
İki kuşçaz olmuştu eş
Bu kıvılcın arasında

Biri deyärdi: Sän sevdam!
Senin için bu yaşamam!
Kesärdi öbürü lafı:
İnanmeerım, getir dorı!

Sevdam, sevdam kimä lääzım
Darı ilk yaz arasında?
Ama...
Ama darı buldu olan...
Sevda olmuştu salt katran

Yıldırım geçti göktän,
Batıya düştü.
Ayırttı ecel sendän
Salgınnar üüştü,
Gıcırdeer aurt dişim
Näända sanki sän, yärim?...