Çăлăнăç

by Тайăр Тимкки

Çăлăнăç  (1906)  by Тайăр Тимкки

Хайланă дата: 1906, Пичетленĕ çул: 1906. Çăлкуç: Вула Чăвашла

Хурлăх курса
Пурăнăп.
Тăрсан турра
Кĕлтăвăп.
Мана ырă сунас çук.

Мĕн шухăшлаc,
Тăванăм?
Мĕскер ĕçлес,
Юлташăм?
Мана саван çыннăм çук.

Ан хуйхăр-ха.
Мĕскĕн чун.
Мĕншĕн тасана
Ырă çын
Пулăшасса кĕтес мар?

Акă ыран.
Çутăлсан,
Ирпе халăх
Вăрансан, –
Атя, иккĕн ĕç шырар?..

Ĕçлеме ĕç
Пулсассăн,
Çиме çăкăр
Тупсассăн, –
Пире тата мĕн кирлĕ?

Атя, атя
Ĕçлеме,
Кахал пăсать
Этеме…

Выçса вилсен –
Кам йĕрĕ?

1906