Çÿлти Сион

by Кириллов Тарас Кириллович

Çÿлти Сион  (1915)  by Кириллов Тарас Кириллович

Хайланă дата: 1915, Пичетленĕ çул: 1915. Çăлкуç: Вула Чăвашла

Çÿлти Сион, таса патшалăх
Этем пĕлми çарпа тулли.
Çарсем турра савса юрлаççĕ:
Святой, Святой, Святой Турă,
Мухтав Сана, Святой пĕр Турă,
Мухтав Сана, тĕнче çути!
Турра курса савса юрлаççĕ
Çÿлти çарсем таса райра;
Вĕсем пурте Турра мухтаççĕ.
Çынсем, эпир калар Турра:
Мухтав Сана, çÿлти патшамăр,
Мухтав Сана, Çÿлти Турра!
Эпир Сана парне кÿретпĕр,
Мухтав юрри – таса парне.
Чунтан-вартан савса юрлатпăр:
Çÿлтен, райран пилле пире;
Пире хĕрхен, пире юрат, çăл,
Çутта кăлар, хăвна пĕлтер.
Эпир Сана чунтан калатпăр:
Кун-çул курма пилле пире.
Сана анчах шанса тăратпăр:
Тăшмансенчен хăтар пире.
Сана мухтав юрри юрлатпăр:
Сион çинчен пилле пире!

1915