Шуныт омыр (Кедров)

From Wikisource
Jump to navigation Jump to search
Шуныт омыр
Автор: Филипп Григорьевич Кедров
Кылдытон дыр: 1928. Источник: Кедров Ф. Г. Катя: Кылбуръёс но повесть / Дасяз но азькыл гожтӥз А. А. Ермолаев. — Ижевск: Удмуртия, 1989. — С. 17. — 112 с. — («Школьная библиотека»).

Шуныт омыр


Тулыс куазь чиньдырвай
Кизертӥз ас шӧмзэ…
Шоналтӥз сюр но вай
Со веськыт бур кизэ.

Омырез памалтӥз,
Бугыртӥз ни куарез,
Шундыез лӥятӥз,
Буйгатӥз мылкыдэз.

Ымдурез пеперъя,
Лӧпкатэ омырез.
Инбамез чеберъя,
Сэзъялтэ шаерез.

Ой, уд шӧд, час ворттэ,
Ведь вуоз гужемед.
Дауред серектэ,
Воштиське улонэд.

Сюлэмме олокин
Туж шыпыт бичатэ
Бур пельтӥ выль…(?)
Ӟеч кылын лӥятэ.

— Тулыс куазь, нуные,
Сылмытэ мылкыдэз,
Лӧйкатэ, зарние,
Пыд улысь музъемес.

Тулыс куазь табере
Ас туссэ тыршыса
Весь кузьма, весь куртке,
Тӥледлы кырӟаса.


1928

Public domain
This work is in the public domain in countries where the copyright term is the author's life plus 70 years or less. See Copyright.