Оксы, Родина (Кедров)

Оксы, Родина Автор: Филипп Григорьевич Кедров

Кылдытон дыр: 1944. Источник: Кедров Ф. Г. Катя: Кылбуръёс но повесть / Дасяз но азькыл гожтӥз А. А. Ермолаев. — Ижевск: Удмуртия, 1989. — С. 46—47. — 112 с. — («Школьная библиотека»).

Оксы, Родина

Оло куинь уй, оло ньыль уй
Ӧм кӧле ни, вунэтӥ.
Зурка музъем, пазяське сюй,
Вамыштӥськом тыл пыртӥ.

Сьӧд убир, каргам убир
Саптаз Россей музъеммес.
Кӧня городъёсмес сутӥз,
Быдтиз узыр гуртъёсмес.

Сюрсэн калык ошылэмын,
Ыбылэмын соосын.
Ведь со ваньмыз милям визьмын,
Ваньмыз сюлме мертчемын.

Вожпотонэн ӝуась тыр гадь
Секытлэсь шат кышкалоз?
Сьӧсь бырытозь, воин уз жадь,
Тушмонэз со турналоз.

Берыктомы ваньмыз понна
Урмем Гитлер армилы,
Оскы, калык, оскы, страна,
Котьку оскы милемлы.

Действующей армия,
8 феврале 1944 арын

---