Вае кырӟалом! (Кедров)

From Wikisource
Jump to navigation Jump to search
Вае кырӟалом!
Автор: Филипп Григорьевич Кедров
Кылдытон дыр: 1933. Источник: Кедров, Ф. Г. Быръем произведениос — Ижевск : Удмуртской книжной издательство, 1959. — С. 118. — 206, [1] с.: портр. — На удмурт. яз. — 5000 экз.

Вае кырӟалом!


Вае-ай туннэ кырӟалом
Уӵылэсь но шулдыргес,
Дунне вылтӥ шараялом
Визьмо, чебер будэммес.
Выль кунын будӥсь нылпиед
Миллионъёслэн выжызы,
Ялан пушъе выль кужымед,
Шудэ жингрес куаразы.
Отын куара, татын куара,
Кӧня отын шумпотон,
Пумтэм-йылтэм кужым гыа,
Выль адями — выль оскон,
Социализм лэсьтон удысэ
Ӝутӥськом чурыт кирпич.
Озьы ужаны ведь косэм
Асьмелы дуно Ильич.
Та улонмес ӟеч утьыны
Юнматӥськом кужыммес,
Ужез ялан кырӟатыны
Будэтӥськомы визьмес.
Дыр вуоз, луом огинын
Дуннеысь вань эшъёсын.
Шулдыр уж музъем шар вылын
Дан ӝутоз коть нош кыты


1933

Public domain
This work is in the public domain in countries where the copyright term is the author's life plus 70 years or less. See Copyright.