БЕХОСДАН рвш. 1 Кутмаган, хаёлга келмаган вақтда; кутилмаганда, тўсатдан, қўққисдан. Назокат бехосдан берилган бу сўроққа жавоб беришга ўнғайсизланиб, узоқда сарғайиб турган адирларга тикилди. С. Аҳмад, Қадрдон далалар. Бехосдан унинг қўли тегиб кетганидан, тикан кирган ери ловуллаб ачишди. «Ёшлик».
2 Ғайриихтиёрий равишда. Ичкарида гап тугаб, маьюс сукунат бошлангач, Элмурод бехосдан қичқириб юборишдан қўрққандай, қўли билан оғзини босиб, ён-верига аланглади. П. Турсун, Ўқитувчи.