Zenodaklub Volapükik Späna: Lasam damanifik
Del 11 ämula, äzitom, linedü sälun dunas maniföfik Lukiona plovinik, damanifan tidüpa jölid de klub obsik. Söl Cif plovina äbisiedom lasami, binöl detü om, bisiedel Deputelefa D. Gregorio García Martinez e D. Pedro Fernandez, dilekel Jula nomik Tidelas e stimabisiedel kluba. Nedetü Söl Mijares äbinom Sifel cifa Söl D. José Díaz Sanchez, e Kolümel D. Juan José Orozco tidacif tidöpa d epuls sons militem as pedeilöl kodü klig.
Plads votik, lä bisiedel, äbinoms pafulöl fa löpöfels votik, pladals klubas, kopelefas, gasedas, e kopanals kels govoms klubi Ateneo Caracense e Zenodaklub Valemik Späna.
In sälun äbinoms lads anik benik e klatik e mens mödik e pevalöl.
Düp balsebal godela koköm äbeginom dub liladam penota pepenöl gudiko fa lautel lepenädan D. Julio Fernandez Navarro, kel egivom noe nunis kuladik votafomamas anik sekikün e veütikün klube, soi emekom jenavi ota sis stabam omik, du yel 1880, jü nu. Efinom dunöl feleigami jönik bevu El Fomento de las Artes, pestaböl in Madrid, e klubs obsik.
Ädagetom läsevis cödik e pamelidöl as lemesed plo vob oma selednik e veütikün.
Poso Söl F. Iparraguirre, bisiedel valemik, äliladom pükati Porvenir de la Lingüística (Fudet Pükanolava).
Äbeginom sagöl das at binom yuf vobadikün Pükava kel, as äsagom, pladalom bizugiko Lanavi in stud dila tikälik mena. Äblöfom dub blöfs stenudik das lensumat püka tugedik, balanim, nomik e nefikulik, as medam plo yegs bevünetik, binom zes"dik, e das dub med at labobs lesamäli leigüda, in studs pükanolavik, e garani ta rüb e depub pükas natik, kels binoms zeil studas et.
Ämanifadom veüti gletik keli studs et edagetoms sis tim anik noe in selän soi in net obik, e kodü atos Govam Neta diseinom stabön, delidü om, Lukioni Pukanolavik.
Äfinom vobi omik desidöl vemo läbi kluba keli pladalom, danöl i tenüpo pösodis valik kels yufoms klubi e lepato D. Julian Calleja, Ledilekel Tida publügik, kel egivom ome benis tu mödik e tu gletik.
Äletlipom i mebi danik al D. José Julio Lafuente e D. Pedro Fernandez kodü lotad keli egivoms klubi obsik linedü Tidastits spetivik.
Söl F. Iparraguirre pebenovipom levemo kodü pükat noetik oma dub kel äsetenom legudiko e lefulo dinis difik. Tefü fom kanobs siön nen nemafikam das binom samad de benopükön.
Pos atos, päsediloms dipedis lönöl juleles kels iklatoms in xams volapüka pezitöl du dels balid ämula.
Fino Söl Cif plovina, älenpükom obes gito e suädo dunöl sinifis anik tefü yeg bisiedela kluba.
Älofom obes denu yufi omik materik e südlik al dagetön fini keli klub diseinom.
Bi duns binoms nu pebalamöl ko vöds, e söl at äblöfom obes anikna nitedi gletik oma gönü klub obsik, äsuamobs läsevi känüdik ko votiks mödik kelis älilom ven efinom pükati oma nelonedik ab püköfik.
Tidüp ebinom pemaniföl ed äsagon das tidadüps popik, pükats e bepükams no obeginoms jüs plad nulik kluba binom-la pamököl lepötiko.
Dun at keli nünobs, pefinöl, e voman cädik flena lestimik obas stimabisiedel balid, Söl D. Julian Calleja, binöl in zif at, peglidof nemü kopanals valik fa bisiedel valemik F. Iparraguirre.
Se Volapük: Gased bevünetik tedelik, nolik, literatik e gälodik 1887, Nüm: 9, Pads: 82-84.