ꠇꠦꠔꠣꠛ ꠢꠣꠟꠔꠥꠘ ꠘꠛꠤ

⁕ ꠇꠦꠔꠣꠛ ꠢꠣꠟꠔꠥꠘ ꠘꠛꠤ ⁕

ꠉꠚꠥꠞ ꠞꠢꠤꠝ ꠀꠟ꠆ꠟꠣ ꠇꠣꠖꠤꠞ ꠍꠥꠛꠢꠣꠘ ॥
ꠍꠤꠔꠣꠞꠣꠄ ꠈꠥꠛꠤ ꠖꠤꠟꠣ ꠡꠣꠔ ꠀꠍꠝꠣꠘ ⁕

ꠎꠝꠤꠘꠦꠞ ꠈꠥꠛꠤ ꠖꠤꠟꠣ ꠇꠔ ꠌꠤꠎꠦ ꠀꠞ ॥
ꠡꠇꠟ ꠝꠢꠔꠣꠎ ꠈꠣꠟꠤ ꠉꠘꠤ ꠙꠞꠅꠀꠞ ⁕

ꠎꠝꠤꠘ ꠀꠍꠝꠣꠘ ꠎꠦꠍꠣ ꠉꠥꠘꠣ ꠇꠦꠃ ꠇꠞ ॥
ꠀꠟ꠆ꠟꠣ ꠎꠖꠤ ꠌꠣꠄ ꠔꠣꠞ ꠈꠦꠝꠣ ꠖꠤꠔꠦ ꠙꠣꠞꠦ ⁕

ꠀꠟ꠆ꠟꠣ ꠛꠤꠘꠦ ꠍꠣꠖꠇꠦꠞ ꠟꠇ꠆ꠇ ꠜꠤꠇ ꠘꠣꠁ ॥
ꠀꠝꠣꠞꠦ ꠡꠥꠙꠤꠍꠤ ꠀꠝꠤ ꠝꠣꠛꠥꠖꠦꠞ ꠌꠣꠁ ⁕

ꠢꠎ꠆ꠎꠔꠦ ꠢꠥꠞꠝꠔꠦ ꠘꠛꠤ ꠝꠢꠣꠝ꠆ꠝꠖ ꠞꠍꠥꠟ ॥
ꠎꠦ ꠇꠞꠦ ꠝꠣꠛꠥꠖ ꠀꠟ꠆ꠟꠣ ꠀꠝꠣꠞ ꠇꠛꠥꠟ ⁕

ꠀꠎꠛ ꠄꠇ ꠢꠣꠖꠤ ꠘꠛꠤ ꠇꠔ ꠉꠥꠘ ꠔꠣꠘ ॥
ꠎꠣꠞ ꠟꠣꠉꠤ ꠙꠄꠖꠣ ꠢꠁꠍꠦ ꠎꠝꠤ ꠀꠍꠝꠣꠘ ⁕