Sounet ("La Pastouro Liris...")
(Redirected from Sounet)
Sounet
La Pastouro Liris es tan jantio é poulido
Que sen posco trouba jouts la capo del Cél.
As fredous qu'elo fa sur un ayre noubél
La Sereno de Mar se troubario rabido.
D'un quicom de besiat sa paraulo se guido,
Un guignou frisoutat que se tors en anél,
Un lambrec amourous qu'escapo de soun él,
Sur tout autro Beutat la tenen accoumplido.
Simple, més coutinaut es soun habillomen,
É d'aqui me reben un gran countentomen;
Car atal elo par plus gentilo é bragardo.
Douncos en preferan le naturél à l'art,
Taléu qu'en coumpagnio la besi sense fart,
Yeu bouldrio cap é cap la bese sense fardo.