Se̿ng-géng/Sǎ̤-dǔ Iŏ̤-hu̿ing Sáng Sṳ́
(Redirected from Sǎ̤-dǔ Iŏ̤-hu̿ing Sáng Sṳ́)
[ 611 ]
Sǎ̤-dǔ Iŏ̤-hu̿ing Sáng Sṳ́.
 |
 |
 |
|
|
- Ca̿ chîng-bo̿ gâ̤ siǎ se̿ng gṳe̿ nă cèng o̿ gâ̤ hiáng-dī Gá-iǔ, ciū-sī uòi ì-cài cèng o̿ gâ̤.
- ¶ Cèng o̿ gâ̤ hiáng-dī à, uòi o̿ nì mǎu-lō̤ng sū-mū dī dú ŏ̤ sē̤ng, séng-tǐ ŏ̤ ngāing-că, su̿-siōng nì lěng-ô̤ng gâ̤ dī cèng sē̤ng ĭ-búing.
- Iǔ hiáng-dī lâ̤ ca̿ gúing-ce̿ng uā nì chěng-ì, ciū-sī nì ǎing-gēng dú í-diū céng gâ̤ dàu-lǐ, uòi ciū cèng ka̿u-uòi.
- Uòi tia̿ng-nī nêng uā uòi gṳ̌ing ǎing-gēng dú sī í-diū céng gâ̤ dàu-lǐ, uòi gâ̤ ka̿u-uòi ciū mǎu piāng iŏ̤ng ga̿ing duōi gâ̤.
- ¶ Cèng o̿ gâ̤ hiáng-dī à, nì ciĕ-duòi ca̿ kă gâ̤ hiáng-dī, ca̿ ŭ duói dī, dú sī dé̤ng-séng ca̿;
- Iŏ̤ng duói nêng da̿u ga̿u-hō mīng-chîng ca̿ gúing-ce̿ng uā nì iǔ o̿-séng: nì lâ̤ hō̤ Ciōng-Di̿ gâ̤ dàu so̿ng gṳ̀-huo̿i-nêng diō̤-di̿ gâ̤ bûing-dǐng, iŏ̤ng-gă̤-sĭ ca̿ ciū-sī hǎu: [ 612 ]
- Gṳ̀-huo̿i-nêng éng-ṳē Cṳ̌ gâ̤ miâng chṳ̆ mô̤ng ko̤̿, dú ēng nà biē-gŏ-nêng gâ̤ cîng.
- Iŏ̤ng-gă̤-sĭ gâ̤ nêng, uòi-huo̿i-nêng e̿ng-gái niōng ciĕ-duòi gṳ̀, nă uòi ŏ̤ iáu gṳ̀ câi-câi ca̿ góng-hú dṳ̌ing céng gâ̤ dàu-lǐ.
- ¶ Uòi chîng-mâng siǎ se̿ng gṳe̿ nă ga̿u hō: cǒng-lâ̤ Diú-tă̤-hǐ, da̿u ga̿u-hō dǐ-bíng cèng o̿ ca̿ tê-ciě, ēng ciĕ-duòi uòi-huo̿i-nêng.
- Gu̿-chu̿ uòi lâ̤ da̿u gṳ̀ ŭ-di̿, cǒng ŏ̤ tê-tê ĭ-nī su̿ gṳ̀ ca̿ gâ̤ dī, gṳ̀ nà làing gâ̤ dī lūing-gǔing uā uòi-huo̿i-nêng: iŏ̤ng-gă̤-sĭ gṳ̀ gu̿ mǎu kāu-lāu, cù-cī iǎ ēng ciĕ-duòi hiáng-dī, iǔ biē-nêng o̿ ciĕ-duòi hiáng-dī, gṳ̀ gu̿ lûing-cǔ gṳ̀, dāi gṳ̀ chṳ̆ ga̿u-hō.
- Cèng o̿ gâ̤ hiáng-dī à, ēng niōng ò̤ làing gâ̤ dī, niōng ò̤ ciáng gâ̤ dī. Ǎing-sīng gâ̤ nêng sī giǎng Ciōng-Di̿ ŭ-di̿ chṳ̆ lâ̤: ca̿-ŏ̤ gâ̤ nêng ēng-nǎing gi̿ng-diō̤ Ciōng-Di̿.
- ¶ Dǐ-mì-diú iǔ duōi-gá-nêng ca̿ gúing-ce̿ng uā gṳ̀ hǎu, iǎ iǔ céng gâ̤ dàu-lǐ ta̿i gṳ̀ ca̿ gúing-ce̿ng: uòi-huo̿i-nêng iǎ ta̿i gṳ̀ ca̿ gúing-ce̿ng; nì dă̤-dí uòi ca̿ gâ̤ gúing-ce̿ng si̿ céng gâ̤.
- ¶ Uòi gu̿ iǔ cèng cāi dī iáu nì uā, lâ̤ ēng o̿ nà bī-mà̤ siǎ nă nì:
- Uòi cèng siǒng ēng niōng gǐ-duói sî ŏ̤ gi̿ng-diō̤ nì, dó̤ng-mīng iáu nì uā. Ngṳ̄ing nì dă̤-diō̤ běng-úing. Bó̤ng-cha̿ing uòi cia̿u-diū cì-ciă cì-ciă gâ̤ miâng iáu duōi-gá bǎing-iǔ-huǎ chiǎng-úing.