Pened hiela H. Guigues gasede: Volapükabled Tälik 2
Äbalüdelo, balul 15id yela at, lasam valemik flentakluba plo pakam volapüka ezitom, düp 10id gödela, in topöp kluba de nügenels, 10, Cité Rougemont in Paris.
Volapükels ti valik in Paris e ans se plovin äbinoms plisenik. Koköm päbisiedom fa söl Lourdelet kel edunom pükati nitedik dö pöfüdöf volapüka e dö pakam vifik ata in vol lölik. Bisiedel obsik dilsumälik ebinom vemo püköfik e vemo füfik. Pükat omik peläsevom levemo.
Poso, söl Roussel, sekretel kluba eliladom plotogi lasama valemik büfik; e söl Le Soudier, kädal, ekalügom monamedis kluba.
Fino, söl Kerckhoffs, lepenädan obas, pakel nefenik püka obsik, epükatom lonediko e noleliko dö volapük des rig ata jünu. Eplänom e eblöfom kapäliko das pük at mostepom vadelo aiumo in nets valik. Äyelo, äsagom, älabobs volapukaklubis 105; adelo, labobs 192. Gaseds tel u kil te päredakoms volapüko; adüpo, volapükableds 13 sibinoms. Tefü vobuks pepenöl volapüko, binoms lemödik e tu fikulik al numön.
Glamats e vödabuks, söl Kerckhoffs äfovom, pepüboms in vapüks, sägo in tükänapük e nugänapük. Glamat räbänik e vödabuk yapänik opuboms suno. Söl Kerckhoffs spelom das oyelo, if nets valik bliboms baladik bevü oms, volapük, perevidöl, pedevotöl e pebaliköl fa kademalef obinom zesÜdik al pops valik e ovedom nogan pöfüdikün plo melak tedelik, dustodik e finanik.
Volapükacif obsik pebenovipom levemo fa kopanals komitefa e pükat oka peläsevom vemo fa lilels kels laboms konfidi lölik in söl Kerckhoffs.
Klub obsik labedom adelo kopanalis 310, kelas 57 binoms fünakopanals, 213 binoms tiädakopanals e 40 binoms stimakopanals.
Eko nems stimakopanalas kels peväloms äbalüdelo:
Söl de Hérèdia, in Paris. Söl Iparraguirre, in Spän. " de la Sizeranne, " " " de Ugarte, " " " Schnepper, " Deutän. " de Zubiria, " " " Gross. K., " " Vomül Verbrugh, " Nedän. " Pflaumer, " " Söl Winkler, " " " Kirchhoff A., " " " Actis, " Tälän. " Tauffkirchen, " " " Amoretti, " " " Ernstein, " " " Cattilio, " " " Böger, " " " de Teixeira, " Bodugän. " Fieweger, " " " Licherdopol, " Rumän. " Dornbusch, " Nelijän. " Bieck, " Lusän. " Holden, " " " Harrison, " " " Lederer, " Löstän. " Rosenberger, " " " Obhlidal, " " " Liedbeck, " Svedän. " de Rylski, " " " Runström, " " " Zsygmondy Bela, " " " Säterstrand, " " " Heyligers, " Beljän. " Schneider, " Ägüpän. " Rombant, " " " Bernhaupt, " Sürän. " Aaen, " Dän. " Sprague, " Melop.
Klub flentik plo pakam volapüka egevom jünu dipedi plofeda pösodes zül suköl:
Söl Allaire in Paris. Söl Licherdopol in Rumän. " Champ-Rigot " " " Oreglia d'Isola " Tälän. " Guigues " " " Puchner " Löstän " Harrison " Lusän. " Aaen " Dän. " Heyligers " Beljän.
Kosteifels volapükik 35 edilsumoms in steifalam valemik mälula 5id äyela.
Eko nem pelorelas:
Söl Morel in Paris edagetom münakönadi " Campagnole " " " Vomül A. Williams " edagetof " Söl Mallet " edagetom " " G. Amé " " " " Dulac " " " " Daubroche " " stimanömodi. " Fuchs " " " " Guillochon " " " " d'Hardiviller " " " " Subra " " " Vomül Tailleur " edagetof "
Volapükels 82 netas valik edilsumoms in steifalam bevünetik.
Kosteifels 16 kelas 5 pemesedoms, epenotoms lifanunodi de Jeanne d'Arc.
Söl de Barazia in Flentän edagetom stimakönadi. Vomül Sophie Sanders " Nedän edagetof münakönadi. Söl Heyligers " Beljän edagetom " " Morel " Paris " " " Stein " Dän " stimanömodi.
Volapükels 36, klelas 16 pemesedoms, epenoms netalusagi.
Söl Pflaumer in Deutàn edagetom stimakönadi. " Marion " Paris " münakönadi. Läd de Necrassoff " Lusän edagetof " " Henriette Wolter " Deutän " " Söl Baines " Paris edagetom " " Champ. Rigot " " " " " Dornbusch " Nelijän " " " Goudschaal " Nedän " " " Heyligers " Beljän " " Vomül Bodez Marie " Paris edagetof stimanömodi. Söl Arzdorf " Deutän edagetom " " Guillochon " Paris " " " Stein " Dän " " " Brandt " Jveizän " " " Werder " " " " " Schmid " " " "
Volapükels 16, kelas 6 pemesedoms, elovepoloms jeni de Joseph.
Söl Harrison in Lusän edagetom stimakönadi. " Heyligers " Beljän " münakönadi. " Morel " Paris " " " Puchner " Löstän " " " Vieira " Bodugän " " " Subra " Flentän " stimanömodi.
Libated e jelated pepenotoms fa kosteifels 15, kelas 5 edagetoms mesedis suköl:
Söl Morel in Paris edagetom stimakönadi. " Heyligers " Beljän " münakönadi. " Stein " Dän " " " Subra " Flentän " " " Warmoltz " Nedän " stimanömodi.
Söls Morel e Heyligers egetoms könadi bal golüdasilefik cenü könads votik pedagetöl plo vobs valik omas.
Könad golüdasilefik pegevom i läde Pallier in Flentän plo zil ofik gönü volapük e plo düns kelis eduinof al Flentän in konsälem de München.
Volapükels kels vipoms dilsumön in steifalam bevünetik yela at, openotoms yegis suköl.
- 1o Lifanunod de Charlemagne.
- 2o Lusag netik.
- 3o Konlet tedapenedas 20 jü 30.
Pos sedilam mesedas, cif obsik elenunom obes das glefid, in kel slopels valik volapüka pavüdoms, ozitom obalüdelo, balul 22id, düp 7id vendela, in Grand-Hôtel, 12, Bd des Capucines, in Paris. Läpol binom de frans 12 a pösod.
Tidüps nulik volapüka ozitoms balüdelo, balul 29id in topöps suköl:
Söl Allaire in konsälöp Dronoz. " Guigues " Topöp kadema de bukamav. " Kerckhoffs " Tidastit tedelik. " Roussey " Konsälop St Sulpice. " Roif " Jul bukamava.
Koköm pejötom len düp 11id e lafik gödela.
Volapükels valik, yofik e kotenik dö zel at emogoloms ko spel kokömön in glefid yelik in kel edesänoms dlinapetön al plöb volapüka, al flenüg popas valik e al pÜd valemik.
- Paris, 1888 1ul, 20id.
Se Volapükabled Tälik 1888, Nüm: 2, Pads: 13-14.