Page:The dairyman’s daughter; Bob the sailor boy.pdf/14

From Wikisource
Jump to navigation Jump to search
This page has been proofread.
10
ᎤᏅᏗ ᎦᏃᏗᏍᎩ ᎤᏪᏥ.

Ꮸ ᏗᎦᎳᏫᎢᏍᏗᏱ, ᎠᎴ ᏄᏬᎯᏨᎾᏉ ᏗᏓᏂᏐᏗᏱ ᏩᏴᏍᏗᏱ ᏫᏗᎦᏥᏯᏠᎢᏍᏗ ᏄᎵᏍᏔᏅᎩ ᏗᎾᏱᎵᏒᎢ. ᎾᏍᎩ ᎠᏗᎾ ᎠᏃᏏᏳ ᎨᏒ ᏗᎧᏃᏗᏱ ᎠᏂᎦᏴᎵ ᏧᎦᏴᎵᎨ ᎤᏲᎱᏒᎯ, ᎠᎴ ᎤᏙ ᎠᎴ ᎤᎸ ᎠᎴ ᎠᏂᏐᎢ ᎪᎱᏍᏗ ᏧᏩᎾ ᎠᏎ ᎤᎪᏗᏳ ᎠᏓᏅᏖᏗ ᏂᎦᎵᏍᏗᏍᎬᎩ ᏫᏗᏥᎪᎥ ᏗᎾᏱᎵᏒᎢ, ᎢᎬᏪᏅᏛᏉ ᎠᏆᎦᏌᏯᏍᏙᏗ ᏄᎵᏍᏔᏅᎩ ᎤᏓᏘᏅ ᎠᎴ ᎤᏓᏙᎵᏍᏗ ᎠᎴ ᎬᏂᏉ ᏧᏁᎶᏗ ᎨᏒ ᏗᎧᏃᏗᏱ ᎠᏛ ᎪᏪᎵ ᏅᏛᏉᏪᎳᏁᎸᎯ. ᎬᏂᎨᏒᎢᏳ ᎨᏒᎩ ᎤᏣᏘ ᎠᏓᏅᏖᏍᎩ ᎨᏒᎢ, ᎠᎴ ᏄᏠᎾᏍᏛᎾ ᎨᏒᎢ, ᎠᎴ ᎬᏩᏍᎩᏍᏗ ᏂᎨᏒᎾ ᎨᏒ ᏗᎧᏃᏗᏱ, ᎠᎴ ᎤᏁᎳᏅᎯ ᎤᏣᏘ ᎠᏓᏅᏖᏍᎩ ᎨᏒ ᎬᏂᏳ ᏂᎦᎵᏍᏗᏍᎬᎩ.

ᎯᎠᏃ ᏄᎵᏍᏔᏅᎩ ᎾᎯᏳ ᏓᎾᏓᏂᏏᏍᎬᎢ, ᎾᏍᎩ ᎣᏏᏳ ᎠᎩᏰᎸᏅ ᎠᎩᏁᎢᏍᏙᏗᏱ. ᎿᎾ ᎦᏚᎲ ᎡᎯ ᎠᏍᎦᏯ ᏗᎦWᏫᎢᏍᏗᏱ ᎤᏴᎵᎸᎩ, ᎾᏍᎩ ᎤᏣᏘ ᏄᎦᏌᏯᏍᏛᎾ ᎠᎴ ᎤᏁᎫᏛ ᎢᏳᎵᏍᏔᏅᎯ. ᎪᎱᏍᏗ ᏄᎸᏏᎸᎾ ᎤᏛᎲᏍᎬ ᎾᎾᏛᏁᎲᎢ ᏗᎦᏙᎳ ᏫᎢᏍᏘᏱ ᏅᏧᎵᏍᏙᏔᏁ ᎤᎷᏨᎩ, ᎠᎴ ᎾᏍᏉ ᏗᏓᏂᏐᏗᏱ ᏮᎤᎷᏨᎩ; ᎾᎿᏃ ᎠᎩᎪᎵᏰᎥ ᏓᎾᏓᏂᏏᏍᎬ ᎠᎪᎵᏰᏗ ᎪᏪᎵ, ᎿᏉ ᎬᏂᎨᏒ ᏄᎵᏍᏓᏁᎸ ᎠᏍᎦᎾᎯᏳ ᎨᏒ ᎠᎴ ᎤᎾᏰᎯᏍᏗᏳ ᏄᏛᏅᎢ, ᏅᏓᏳᎵᏍᏙᏔᏅ ᎪᏪᎵᎯ ᏂᎬᏅ ᏓᎾᏓᏂᏏᏍᎬ ᎠᎪᎵᏰᏗ ᎨᏒᎢ, ᏄᏍᏛ ᎤᏓᏅᏖᏗ ᎤᏩᏛᏔᏅ ᎾᏍᎩ ᎯᎠ ᎥᏝ ᎯᎸᎯᏳᏉ ᏳᏭᏍᏗᏥᎴᎢ, ᎤᏁᏉᏨᏒᏉᏰᏃ ᎬᏓᏁCᏴᎨᎲᏍᎩ ᎤᏓᏅᏛᎢ, ᎾᏍᎩᏃ ᏄᏍᏛ ᎪᎯᏗᏳ ᎠᎴ ᏯᏃᏉ ᎠᏆᏙᎴᎰᎯᏍᏗ ᎨᏒ, ᏯᏃᎩᏳ ᎧᏁᎢ-

Retrieved from "https://wikisource.org/w/index.php?title=Page:The_dairyman’s_daughter;_Bob_the_sailor_boy.pdf/14&oldid=662800"