[awal]
᭛᭜᭛ᬦ᭄ᬤᬶᬢᬓᬓᬵᬯ᭄ᬓᬲᬶᬂᬗ᭄ᬯᬵᬂᬲᬗ᭄ᬲᬭᬵᬫᬸᬦᬶᬢᬸᬭᬶᬤ᭄ᬥᬵ᭞ᬭᬶᬮᬬᬢᬶᬭᬵᬲᬗᬗ᭄ᬤᬾᬓᬶᬗ᭄ᬓᬶᬂᬢᬦᬦᬓᬋᬗᭃ᭞ᬦᬶᬭᬸᬪᬬᬵᬓᬶᬢᬮᬸᬗ᭄ᬳᬵᬢᬦ᭄ᬢᭀᬮᬶᬄᬭᬶᬗᬮᬮᬓᬸᬂ᭞ᬳᬲ᭄ᬫᬸᬕᭂᬋᬳᬦᬫ᭄ᬩᬵᬂᬮᬸᬂᬦᬶᬂᬚᬗ᭄ᬕᬵᬫᬗᬸᬮᬬᬂ᭛ᬯᬶᬱᬢᬓᬤᬶ
ᬢᬶᬗ᭄ᬕᬮ᭄ᬦᬶᬂᬓᬸᬫ᭄ᬩᬵᬂᬯᬦᭂᬳᬗᬭᬲ᭄᭞ᬯᬗᬶᬦᬶᬗᬲᬦᬵᬭᬶᬂᬚ᭄ᬭᭀᬦᬶᬂᬢᬫᬦ᭄ᬯ᭄ᬓᬲᬶᬂᬇᬭᬹᬧ᭄᭞ᬧᬶᬦᬕᬸᬜᭂᬧᬓᬶᬦᬶᬂᬮᬾᬦ᭄ᬳᬶᬃᬱ᭄ᬬᬵᬦᭀᬦ᭄ᬧᬦ᭄ᬤᭃᬗᬶᬓᬵ᭞ᬳᬶᬗᬬᬫᬬᬫᬶᬗᬧ᭄ᬢ᭄ᬬᬵᬦᭂᬫ᭄ᬧᬮ᭄ᬭᬹᬫ᭄ᬦ᭄ᬬᬵᬢᬶᬦᬮᬶᬗᬵ᭛ᬭᬸᬫᬶᬭᬶᬲᬶᬦᬧᬦᬶᬭᬫ᭄ᬦᬶᬮᬸᬄ
ᬦ᭄ᬭᬂᬓᬧᬢᬓ᭄ᬢᭂᬭ᭄᭞ᬢ᭄ᬓᬧᬶᬭᬵᬕᭂᬋᬳᬶᬗᭀᬚᬃᬗᬹᬦᬶᬭᭀᬄᬓᬸᬦᬂᬚᬭᬸᬫᬦ᭄᭞ᬲᬶᬦᬫᬬᬵᬓᭂᬦᬶᬓᬂᬯ᭄ᬭᬸᬄᬫ᭄ᬭᬶᬄᬦᬶᬂᬓᬾᬢᬓᬵᬥᬶᬦᬶᬓᬵ᭞ᬅᬧᬦᬮᬯᬲ᭄ᬧᬶᬦᬶᬦ᭄ᬕᬾᬧᬶᬦ᭄ᬭᬂᬦᬶᬂᬓᬶᬮᬢᬫ᭄ᬥᬭ᭄᭛᭜᭛ᬫᬗ᭄ᬓᬶᬦᬯᬾᬄᬮᬭᬵᬫᬹᬃᬘ᭄ᬘᬶᬢᬵᬭᬶᬗᬵᬗᭃᬦ
[akhir]
ᬳᬸᬮᬧ᭄᭛ᬯᬶᬦ᭄ᬢᬂᬍᬯᬶᬄᬮᬶᬢ᭄ᬦ᭄ᬬᬵᬍᬬᭂᬧ᭄ᬢᬶᬦᬶᬗ᭄ᬕᬮᬦ᭄᭞ᬭᬸᬳᬸᬃᬦ᭄ᬬᬵᬲᬓᬶᬂᬰᬰᬶᬯᬶᬫ᭄ᬩᬵᬓᬭᬡᬵ᭞ᬓᬵᬤᭀᬄᬦᬶᬗᬤᬶᬢ᭄ᬬᬵᬲᬓᬾᬂᬦᬶᬰᬓᬭᬵ᭞ᬓᬤᭀᬄᬦᬶᬓᬂᬪᬹᬫᬶᬲᬓᬾᬂᬥᬶᬯᬵᬓᬭᬵ᭛ᬢᬶᬗ᭄ᬓᬄᬦᬶᬓᬂᬲ᭄ᬯᬃᬕ᭄ᬕᬵ
ᬮᬵᬯᬦᬍᬧ᭄ᬦᬶᬓᬵ᭞ᬯᬢᬂᬦᬶᬓᬵᬮᬮᬦᬵᬕᭀᬲ᭄ᬬᬵᬢᬹᬢ᭄ᬤᬯᬦ᭄᭞ᬧᬵᬚᬃᬲᬗᬾᬭᬯᬡᬵᬭᬶᬦ᭄ᬫᬧᬵᬢ᭄ᬫᬚᬵ᭞ᬓᬤᬶᬧᬗᬶᬧ᭄ᬬᬦ᭄ᬢᬦᬶᬭᬵᬢ᭄ᬳᬶᬥᭂᬧᬶᬭᬵ᭛ᬓᬢᭀᬦᬶᬓᬂᬇᬦ᭄ᬤ᭄ᬭᬵᬧ᭄ᬭᬥᬧ᭄ᬭᬪᬵᬲ᭄ᬯᬭᬵ᭞ᬯᬾᬢᬦ᭄ᬲᬓᬾᬂᬫᬾᬭᬸᬫᬋᬧ᭄ᬫᬵ
ᬗᬫ᭄ᬩᬭᬵ᭞ᬓᬸᬝᬦ᭄ᬬᬵᬫᬮ᭄ᬯᬵᬩᬸᬧᬹᬭᬦ᭄ᬬᬵᬧᬵᬢ᭄ᬫᬡᬶᬓ᭄᭞ᬓᬾᬭᬂᬲᬶᬗ᭄ᬳᬤᬶᬢ᭄ᬬᬵᬰᬰᬗ᭄ᬓᬵᬦᬶᬢ᭄ᬬᬵᬰᬵ᭛ᬲᬫᬃᬤᬶᬯᬭᬢ᭄ᬭᬶᬦᬶᬓᬂᬲᬸᬭᬵᬮᬬᬵ᭞ᬤᬾᬦᬶᬂᬧᬺᬓᬱᬵᬢ᭄ᬫᬓᬵᬲᬃᬯ᭄ᬯᬭᬵ᭞ᬅᬗᬶᬲ᭄ᬓᬃᬦᬶᬓᬸᬫᬸᬥᬵᬚᬭᬶᬂᬓᬸᬍᬫ᭄᭞ᬫ᭄ᬯᬂᬘᬓ᭄ᬭᬯᬓ
ᬧᬧᬲᬄᬮᬵᬯᬦ᭄ᬧ᭄ᬭᬶᬬᬵ᭛ᬳᬗᬾᬳᬾᬗᬵᬰ᭄ᬘᬃᬬ᭄ᬬᬵᬯᬶᬰᬾᬰᬯᬲ᭄ᬢᬸᬦᭂᬦ᭄᭞ᬬᬦ᭄ᬯᬃᬡ᭄ᬦᬦᭂᬦ᭄ᬮ᭄ᬯᬶᬃᬦ᭄ᬬᬢᬶᬦᭀᬦ᭄ᬲᬜᬃᬚ᭄ᬢᬸᬦᬵ᭞ᬥᬢᬶᬲᬶᬭᬵᬤᬦ᭄ᬫᬓᬶᬭᬾᬫᬘᭂᬧ᭄ᬜᬳᬵ᭞ᬕᬶᬦ᭄ᬬᬵᬓ᭄ᬦᬶᬘᬧᬭᬵᬓᬾᬦᬹᬫᬜ᭄ᬚᬶᬗᬵ᭛
