[awal]
᭛᭜᭛ᬒᬁᬅᬯᬶᬖ᭄ᬦᬵᬫᬵᬲ᭄ᬢᬸᬦᬵᬫᬵᬰᬶᬥᬀ᭛᭜᭛ᬤᬸᬓ᭄ᬭᬄᬢ᭄ᬮᬸᬢᭂᬗ᭄ᬕᭂᬓ᭄ᬱᬗ᭄ᬳᬵ᭞ᬦᬸᬚᬸᬤᬶᬦᬵᬲᭀᬫᬧᬳᬶᬂ᭞ᬰ᭄ᬭᬶᬢᬸᬗ᭄ᬮᬾᬄᬧᬶᬂᬧᬵᬢ᭄ᬧᬗ᭄ᬮᭀᬂ᭞ᬰᬰᬶᬄᬤᬾᬱ᭄ᬝᬵᬳᬸᬓᬸᬫ᭄ᬭᬓᬶᬄ᭞ᬢᬾᬓ᭄ᬢᬾᬓᬦ᭄ᬢᬸᬯᬸᬄᬕᬸᬫᬶ᭞ᬲ᭄ᬧᬍᬩᬓ᭄ᬧᬼᬓᬸᬢᬸᬲ᭄᭞ᬫᬶᬸᬘᬶᬸᬧᬜ᭄ᬚᬶᬫᬗ᭄ᬕᬯᬾᬲᬶ
ᬦᭀᬫ᭄᭞ᬧᬸᬧᬸᬄᬜᬦᬾᬲᬮᬄᬕᭂᬡ᭄ᬟᬶᬂ᭞ᬗᬸᬮᬄᬧ᭄ᬧᬸ᭞ᬜᬭᬶᬢ᭄ᬢᬵᬂᬲᬧ᭄ᬢᬵᬫᬩᬬᬵ᭚ᬫᬲᬶᬄᬧᬬᬸᬫᬕᬸᬭᬶᬢᬦ᭄᭞ᬢᭂᬫ᭄ᬩᬂᬲᬶᬦᭀᬫ᭄ᬫᬸᬜᬶᬭᬶᬫ᭄ᬩᬶᬢ᭄᭞ᬇᬥᭂᬧ᭄ᬘᭂᬗ᭄ᬓᬮ᭄ᬫᬫᬸᬦ᭄ᬟᬸᬳᬂ᭞ᬫᬗᬶᬢᬸᬂᬗᬵᬂᬳᬸᬭᬶᬧ᭄ᬲᬰᬶᬄ᭞ᬬᬦ᭄ᬜᬵᬢ᭄ᬯᬄᬤᬤᬶᬳᬶᬗᭂᬢᬶᬦ᭄᭞ᬲᬧ᭄ᬢᬵᬯᬭᬵᬫᬶᬯᬄᬳᬸᬓᬸ᭞ᬧᬜ᭄ᬘᬯᬭᬵᬘᬢᬹᬃᬯᬭᬵ᭞ᬮᬪᬵ
ᬚᬬᬵᬦᬾᬧᬶᬮᬶᬳᬶᬦ᭄᭞ᬫᬗ᭄ᬤᬾᬳᬮᬸᬄ᭞ᬫᬕᭂᬡ᭄ᬟᬶᬂᬗᬮᬶᬄᬤᬾᬯᬲᬵ᭞᭚ᬤᬫᬧᬲ᭄ᬓᬵᬮᬢᬜ᭄ᬘᬬᬵ᭞ᬬᬦ᭄ᬮᬸᬯᬲ᭄ᬫᬗᭂᬩᬸᬕ᭄ᬕᬸᬫᬶ᭞ᬚᬯᬢ᭄ᬫᬢᬢᬵᬚᭂᬦ᭄ᬩᭀᬘᭀᬓ᭄᭞ᬤᬶᬢᬾᬫᬦᬶᬲ᭄ᬓᬵᬮᬵᬓᬗᬶᬦ᭄᭞ᬓ᭄ᬮᭀᬤ᭄ᬤᬶᬢᬾᬧᬳᬶᬂ᭞ᬤᬶᬢᬾᬯᭀᬦ᭄ᬤᬵᬮᬸᬯᬲ᭄ᬓᬯᬸᬄ᭞ᬤᬶᬢᬾᬯᬕᬾᬤᬵᬗᬚᬦᬂ᭞ᬤᬶᬢᬾᬓ᭄ᬮᬶᬬᭀᬦᬾ
ᬫᬦᬫ᭄ᬧᬶ᭞ᬓᬵᬮᬵᬜᬢᬹᬃ᭞ᬬᬦ᭄ᬢᭀᬧᬧᬲ᭄ᬤᭀᬬᬦ᭄ᬓᬮᬄ᭚ᬦᬓ[rusak]ᬗ᭄ᬕᬭᬵᬯᬸᬤ᭄ᬟᬵ᭞ᬲᭀᬫᬲᭀᬭᬶᬦᬾᬤᬓᬗᬶᬦ᭄᭞ᬬᬦᭀᬭᬲ᭄ᬧᬢᬶᬤᬓ᭄ᬮᭀᬤ᭄᭞ᬤᬶᬢᬾᬰᬸᬓ᭄ᬭᬓᬯᬸᬄᬦᬫ᭄ᬧᬶ᭞ᬳᭂᬦ᭄ᬢᭀᬬᬵᬧᬥᬳᬶᬫ᭄ᬧᬲᬶᬦ᭄᭞ᬬᬦ᭄ᬮᬸᬯᬲ᭄ᬫᬓ᭄ᬦᭂᬄᬫᬮᬸ᭞ᬲᬧ᭄ᬢᬵᬯᬭᬦᬾᬳᬶᬗᭂᬢᬂ᭞ᬳᬗ᭄ᬕᭀᬦ᭄ᬢᭂᬦᬸᬂᬲᬳᬶᬕᬸ
[akhir]
ᬲᬶᬦ᭄ᬢᬾᬓᬶ᭞ᬘᬢᬹᬃᬢ᭄ᬣᬶᬭᬶᬂᬓᬺᬱ᭄ᬡᬵ᭞ᬋᬢᬸᬘᬾᬢ᭄ᬭᬵᬫᬱᬵ᭞ᬧᬜ᭄ᬘᬲ᭄ᬯᬦᬶᬢ᭄ᬣᬦᬾᬓᬶ᭞ᬫᬲ᭄ᬢᬓᬵᬳᬱ᭄ᬝᬵ᭞ᬇᬰᬓᬵᬯᬃᬱᬦᬶᬂᬪᬸᬫᬶ᭚ᬦᬵᬭᬵᬮᬶᬫᬵᬦ᭄ᬫᬢᭂᬗ᭄ᬕᬵᬮᬯᬦ᭄ᬭᬵᬓ᭄ᬱᬲᬵ᭞ᬇᬭᬶᬓᬵᬗᬦ᭄ᬬᬵᬳᭂᬦ᭄ᬢᬶ᭞ᬤᬾᬲᬗᬧᬦ᭄ᬮᬄ᭞ᬳᬶᬚ᭄ᬬᬾᬱ᭄ᬝᬵᬫᬭᬝᬵ᭞ᬓᬸᬯᬸᬭᬶᬂᬲ᭄ᬯᬾᬘ᭄ᬙᬵᬦᬕᬭᬶ᭞ᬓᬸᬮᭀᬦᬶᬂᬭᬵ
[rusak]ᬮᭀᬭᬶᬗ᭄ᬕᬯᬦ᭄ᬫᬕᭀᬭᬾᬓᬶ᭚᭜᭚
Page:Bali-lontar-Tojan-Geguritan Sapta Mabaya.jpg
Jump to navigation
Jump to search
This page has been validated.
