[depan]
᭚᭜᭚ᬧᬸᬄᬲᬶᬦᭀᬫ᭄᭚᭜᭚ᬳᬶᬲᭃᬫᬦᬸᬗ᭄ᬓᬸᬮᬂᬫᬦᬄ᭞ᬩᬳᬦ᭄ᬩᬶᬗᬸᬗᬾᬢᬦ᭄ᬲᬶᬧᬶ᭞ᬢ᭄ᬯᬭᬵᬳᬤᬵᬗ᭄ᬕᭀᬦ᭄ᬜᬭᬸᬳᬂ᭞ᬲᬓᬶᬢᬾᬥᬶᬚ᭄ᬭᭀᬦᬶᬗ᭄ᬳᬢᬶ᭞ᬓ᭄ᬩᬸᬲ᭄ᬫᬮ᭄ᬯᬩ᭄ᬓᬲᬶᬲᬶ᭞ᬦᬺᬩᭂᬲ᭄ᬬᬾᬄᬫᬢᬦᬾᬧ᭄ᬲᬸ᭞ᬧ᭄ᬲᬸᬗᬯᬾᬫᬢᬩᬭᬓ᭄᭞ᬩᬭᬓ᭄ᬫᬫᭂᬋᬓᬵᬗ᭄ᬳᬢᬶ᭞
ᬳᬶᬢᬶᬳᬶᬩᬸᬓ᭄᭞ᬳᬶᬩᬸᬓ᭄ᬩᬦ᭄ᬮᬘᬸᬭᬾᬮᬶᬯᬢ᭄᭚ᬮᬶᬯᬢ᭄ᬢ᭄ᬯᬭᬵᬳᬤᬤᬶᬚᬵ᭞ᬢ᭄ᬯᬭᬵᬓᬯᬸᬄᬢ᭄ᬯᬭᬵᬓᬗᬶᬦ᭄᭞ᬫ᭄ᬭᬩᬢ᭄ᬭᬶᬗ᭄ᬳᬢᬶᬫᬕ᭄ᬦᬄ᭞ᬲᬳᬶᬗ᭄ᬕᬯᬾᬓ᭄ᬦᭂᬄᬧᬮᬶᬂ᭞ᬧᬮᬶᬂᬩᬲ᭄ᬮᬶᬬᬸᬭᬱᬦᬶᬦ᭄᭞ᬢᭀᬂᬩᬶᬱᬵᬗᬶᬗᭂᬢᬶᬦ᭄ᬧᬢᬹᬢ᭄᭞ᬦᬾᬫᬹᬃᬓ᭄ᬓᬵᬭᬱᬬᬂᬥᬃᬫ᭄ᬫᬵ᭞ᬧᬗ᭄ᬭᬱᬦᬾᬢᬸᬯᬶ᭠
ᬫᬩᬥᬶᬂ᭞ᬢ᭄ᬯᬭᬵᬳᬤᬸᬂ᭞ᬩᬸᬤᬶᬮᬓ᭄ᬱᬡᬦᬾᬢᬸᬗ᭄ᬓᬲ᭄᭚ᬢᬸᬗ᭄ᬓᬲᬾᬤᬤᬶᬳᬥᬸᬗᬵᬂ᭞ᬧᬶᬢᬸᬢᬸᬭᬶᬦ᭄ᬳᬦ᭄ᬢᬸᬓ᭄ᬕᭂᬦ᭄ᬤᬶᬂ᭞ᬯᬾᬦ᭄ᬢᭂᬦ᭄ᬋᬓᬾᬓᬳᬸᬢᬸᬭᬦ᭄᭞ᬓᭀᬘᬧ᭄ᬯ᭄ᬯᬂᬲᬓᬾᬂᬫᬫ᭄ᬮᬶᬂ᭞ᬫᬜᬫᬲᬋᬂᬓᬮᬶᬄ᭞ᬳᬶᬲᬶᬮᬥ᭄ᬭᬶᬳᬭᬦ᭄ᬳᬶᬧᬸᬦ᭄᭞ᬫᬤᬾᬓᬾᬃᬢᬶᬦᬾᬘᭂᬭᬶᬓᬦ᭄᭞ᬲᬶᬦᬋᬗᬦ
ᬫ᭄ᬩᬶᬮ᭄ᬭᬩᬶ᭞ᬧᬥᬳᬳᬹᬢ᭄᭞ᬢ᭄ᬯᬭᬵᬢᬳᬾᬦ᭄ᬫᬚᭂᬗ᭄ᬕᬶᬮᬦ᭄᭚ᬦᬾᬳ᭄ᬮᬸᬄᬧᬥᬫᬗᬶᬥᬫ᭄᭞ᬦᬾᬫ᭄ᬯᬦᬶᬲᬸᬓᬭᬶᬗ᭄ᬳᬢᬶ᭞ᬫᬳᬬᬸᬗᬾᬃᬣ᭄ᬬᬂᬧ᭄ᬬᬦᬓ᭄᭞ᬢᭂᬓᭂᬧ᭄ᬲᬮ᭄ᬯᬶᬃᬧᬸᬮᬵᬧᬮᬶ᭞ᬓᭀᬘᬧ᭄ᬮᬶᬯᬢ᭄ᬓᬸᬢᬸᬲᬰᬶᬄ᭞ᬭᬭᬾᬦᬾᬬᬵᬧᬥᬧ᭄ᬲᬸ᭞ᬧ᭄ᬬᬦᬓ᭄ᬳᬶᬲᬶᬮᬤ᭄ᬭᬶᬮᬦᬂ᭞ᬳᬶᬓᬾ
[belakang]
ᬦ᭄ᬩᬸᬬᬃᬫᬗᬸᬘᬳᭀ᭞ᬯᭀᬂᬳ᭄ᬩᭂᬢ᭄ᬳᬸᬫᬄᬦᬾᬮᬸᬳᬸᬂ᭞ᬢᬸᬢᬸᬢᬦᬾᬫᬦᬶᬫ᭄ᬩᬮ᭄᭞ᬓᭀᬘᬧ᭄ᬭᬶᬳᬶᬦ᭄᭞ᬧᬰ᭄ᬭᬫᬦ᭄ᬳᭂᬫ᭄ᬧᬤᬶᬩ᭄ᬬᬵᬚᬵ᭚ᬤᬵᬢᬸᬯᬶᬓᬮᭀᬓᬵᬧᬶᬲᬦ᭄᭞ᬥᬃᬫ᭄ᬫᬧᬸᬢᬸᬲ᭄ᬍᬯᬶᬳᬶᬂᬓᬶᬃᬣᬶ᭞ᬲᬵᬫ᭄ᬧᬸᬦ᭄ᬫᭀᬓ᭄ᬢᬄᬫᬭᬶᬲ᭄ᬯᬃᬕ᭄ᬕ᭞ᬫᬗ᭄ᬓᬶᬳᬶᬲᬶᬮᬤ᭄ᬭᬶᬦᬸᬗ᭄ᬕᬸ᭞ᬭᬾᬳᬶᬧᬸᬦ᭄ᬓᬳᬗ᭄ᬕᬾᬦ᭄ᬲᬶᬱ᭄ᬬᬵ᭞ᬫᬸᬚᬗ᭄ᬕᬳᬶᬦ᭄᭞ᬤᬦᬾᬓᭀᬘᬧ᭄
ᬦᬦ᭄᭚ᬯᬬᬦ᭄ᬩᬸᬬᬃᬦᬶᬩᬮ᭄ᬗᬸᬘᬧ᭄᭞ᬦᬄᬚᬮᬦ᭄ᬫᬸᬮ᭄ᬬᬜ᭄ᬚᬦᬶ᭞ᬚᬭᬦᬾᬧᬥᬢᭂᬕᬸᬮᬵᬂ᭞ᬢᬸᬢᬸᬢᬦᬾᬢᬸᬯᬶᬫᬦᬸᬭᬸᬢ᭄᭞ᬫᬩ᭄ᬭᬶᬬᬸᬓ᭄ᬦᭂᬕᬸᬮᬂᬚᬭᬦ᭄᭞ᬧᬥᬕᬢᬶ᭞ᬫᬩᬺᬤ᭄ᬭᬭᬶᬲ᭄ᬫᬸᬮ᭄ᬬᬦ᭄᭚ᬳᬶᬤᬸᬓᬸᬄᬲ᭄ᬟᭂᬓ᭄ᬫᬦ᭄ᬕᬓ᭄᭞ᬦᬶᬗᭂᬳᬂᬧ᭄ᬬᬦᬓᬾᬫᬕᭂᬡ᭄ᬟᬶᬂ᭞ᬫᬓᬵᬤᬤ᭄ᬯᬵᬫᬩᬭᬸᬗᬦ᭄᭞ᬳᬶᬯᬬᬦ᭄ᬩᬸᬬᬃᬭᬯᬸᬄ[broke]
ᬭᬶᬢ᭄ᬓᬸᬫᬶᬲ᭄᭞ᬮᬶᬳᬢ᭄ᬜᬦᬾᬢᬸᬫᬭᬾᬗᬂ᭚ᬳᬶᬤᬸᬓᬸᬄᬤᬤᬶᬫᬓᭂᬤ᭄ᬬᬩ᭄᭞ᬫᬘ᭄ᬩᬸᬃᬮᬯᬸᬢ᭄ᬫᬫᬸᬜᬶ᭞ᬳᬶᬗ᭄ᬕᬶᬄᬭᬭᬶᬲᬂᬫ᭄ᬦᬾᬓᬦ᭄᭞ᬳᬶᬯᬬᬦ᭄ᬩᬸᬬᬃᬫᬮᬸᬗ᭄ᬕᬸᬄ᭞ᬢᬸᬢᬸᬢᬦᬾᬧᬥᬦ᭄ᬕᬓ᭄᭞ᬲᬋᬂᬲᬫᬶ᭞ᬳᬶᬤᬸᬓᬸᬄᬗᬯᬸᬓᬶᬦ᭄ᬧ᭄ᬬᬦᬓ᭄᭚ᬘ᭄ᬦᬶᬂᬓ᭄ᬫᬵᬗᬮᬶᬄᬘᬦᬂ᭞ᬳᬶᬫᬸᬤᬶᬢᬵᬫᬵᬢᬸᬃᬳᬶᬗ᭄ᬕᬶᬄ᭞ᬓᬸᬲᬸᬫᬲᬭᬶ[rusak]
ᬫᬕᭀᬮᬾᬭᬦ᭄᭞ᬲᬸᬲᬸᬜᬗ᭄ᬓᬶᬄ᭞ᬳᬶᬯᬬᬦ᭄ᬩᬸᬬᬃᬦᬼᬓ᭄ᬢᭂᬓᬂ᭚ᬓᬸᬲᬸᬫᬵᬲᬵᬭᬶᬧᬶᬯᬲᬦ᭄᭞ᬳᬶᬯᬬᬦ᭄ᬩᬸᬬᬃᬗᭂᬜᭂᬫᬶᬦ᭄᭞ᬜᬼᬤᬾᬢᬶᬦ᭄ᬩᬦ᭄ᬫᬢᬵᬤᬶᬦ᭄ᬤᬂ᭞ᬲᬸᬫᬲᬵᬭᬶᬓ᭄ᬤᬾᬓ᭄ᬫᬗᬸᬦ᭄ᬢᬸᬓ᭄᭞ᬫᬸᬤᬶᬢᬵᬭᬭᬶᬦᭂᬲᭂᬓᬵᬂ᭞ᬫᬦᬓᭀᬦᬶᬦ᭄᭞ᬗᬸᬤ᭄ᬥᬓ᭄ᬤᬾᬓ᭄ᬢᭀᬂᬓᬃᬯ᭄ᬯᬓᬦ᭄ᬓᬃᬯ᭄ᬯᬦ᭄᭚᭜᭚ tg -2-1-1959=
Page:Bali-lontar-Tojan-Geguritan I Siladri.jpg
Jump to navigation
Jump to search
This page has been validated.
