[depan]
᭛᭜᭛ᬅᬯᬶᬖ᭄ᬦᬵᬫᬵᬲ᭄ᬢᬸ᭛᭜᭛ᬅᬫᬹᬃᬯ᭄ᬯᬵᬭᬶᬪᬵᬱᬵᬲᬶᬦᬹᬓ᭄ᬱ᭄ᬫᬵᬲᬦ᭄ᬤᬶᬦᬶᬂᬗᬢᬦᬸᬢᬦ᭄ᬯ᭄ᬬᬵᬃᬭᬶᬳᬢᬶᬲᬸᬤ᭄ᬥᬵᬦᬶᬂᬓᬮᬗᬸᬦ᭄ᬦ᭄ᬤᬦᬫ᭄ᬭᬶᬄᬮᬓᬸᬦᬶᬲᬭᬶᬢᬫᬦ᭄ᬮᬭᬗ᭄ᬕᬢᬶᬯ᭄ᬢᬸᬦᬶᬓᬗ᭄ᬓᬶᬭᬡᬵᬮᬸᬫ᭄ᬕ᭄ᬭᬵᬦᬼᬳᬶᬭᬹᬫ᭄ᬦᬶᬳᬦ᭄ᬭ᭄ᬬᬵ
ᬳᬸᬥ᭄ᬬᬦᬮᬮᬗᭀᬦ᭄᭞ᬢᬸᬳᬸᬳ᭄ᬬᬂᬦᬶᬂᬲᬳᬵᬘᬓ᭄ᬱᬸᬮᬗᬹᬦᬶᬂᬓᬶᬃᬡ᭄ᬦᬦ᭄ᬬᬵᬗᬸᬗᬵᬂᬧᬲᬶᬃᬢᬶᬲ᭄ᬢᬶᬲ᭄ᬮ᭄ᬯᬶᬭᬶᬂᬲᬶᬮᬸᬫᬦ᭄ᬳᬃᬬ᭄ᬬᬵᬓ᭄ᬱᬵᬭᬶᬭ᭄ᬯᬵᬫᬕᬸᬢ᭄ᬳᬸᬗᬦᬶᬧᬭᬵᬂᬪᬺᬫᬭᬵᬰ᭄ᬭᬗᬗ᭄ᬭᬸᬩᬸᬂᬬᬬᬳᬦ᭄ᬢᬬᬵᬚᬬᬾᬂᬭᬰ᭄ᬫᬶᬧᬢᭂᬃᬦ᭄ᬬᬵ ᬫᬡ᭄ᬥ᭄ᬭᬵᬮᭀᬦ᭄᭟
ᬭᬶᬲᬦ᭄ᬫᬸᬓᬦᬶᬓᬂᬫᬓᬵᬭᬵᬲᬭᬲᬶᬓᬸᬫᬸᬥᬲᬶᬦᬂᬲ᭄ᬓᬃᬦ᭄ᬬᬵᬚ᭄ᬭᬳᬵᬯᬃᬡ᭄ᬦᬵᬲᬸᬤ᭄ᬥᬲᬶᬡ᭄ᬥᬸᬭᬵᬦᬶᬮᬵᬲᬦ᭄ᬧᬤ᭄ᬤᬵᬦ᭄ᬬᬵᬓᬭᬗ᭄ᬓᬭᬗᬶᬲᬵᬭᬶᬲᬳᬲ᭄ᬦᬦᬵᬲᬸᬘᬶᬭᬶᬳ᭄ᬬᬂᬲ᭄ᬫᬭᬵᬫᬹᬃᬢ᭄ᬢᬶᬦᬶᬂᬗᬸᬮᬄᬲᬶᬤ᭄ᬥᬦᬶᬲ᭄ᬯᬵᬢ᭄ᬫᬓᬵᬘᬶᬤ᭄ᬭᬳᬦᬶᬂᬩᬸᬤ᭄ᬥᬶᬗ᭄ᬓᬵᬳᬫ᭄ᬭᬶᬄᬲ᭄ᬯᬬᬵᬫᬭᬭᬶ
ᬭᬹᬫ᭄ᬲᬂᬲᬹᬓ᭄ᬱ᭄ᬫᬵᬦᬶᬃᬲᬶᬭᬶᬂ᭞ᬲᬸᬤ᭄ᬥᬦᬶᬂᬫᬦᬄᬢᬦ᭄ᬓᬯᬭᬦᬶᬂᬭᬸᬲᬶᬢ᭄ᬦᬶᬰ᭄ᬘᬬᬵᬭᬶᬧᬵᬢᬶᬍᬬᭂᬧᬶᬲ᭄ᬯᬵᬘᬶᬢ᭄ᬢᬵᬲᬹᬓ᭄ᬱ᭄ᬫᬵᬲ᭄ᬯᬚᬢᬶᬳᬯ᭄ᬮᬲ᭄ᬦᬸᬕ᭄ᬭᬳᬦ᭄ᬭᬵᬢ᭄ᬦᬵᬯᬥᬸᬫᬶᬚᬶᬮ᭄ᬲᬓᬶᬲ᭄ᬦᬦᬶᬓᬂᬭᬧᬶᬫᬯᬵᬦ᭄ᬧᬥᬧᬵᬫᬵᬫ᭄ᬭᬶᬓ᭄ᬳᬭᬭᬩ᭄ᬋᬩᬸ
[belakang]
ᬢ᭄ᬯᬵᬩᬸᬤ᭄ᬥᬶᬧᬶᬦᬺᬱ᭄ᬝᬶᬱ᭄ᬝᬾᬂᬰᬯᬵᬧᬶᬦᬸᬚᬵᬯᬶᬩᬢ᭄ᬲᬵᬳᬯᬸᬂᬓ᭄ᬳᬓᬫ᭄ᬩᬵᬂᬭᬥᬬᬵᬲᬳᬵᬭᬡ᭄ᬥᬓ᭄ᬱᬝᬵᬓᬺᬫᬶᬳᬗᬸᬥᬓᬵᬜ᭄ᬘᬮᬶᬦᬦᬄᬳᬸᬤᬸᬓ᭄ᬫᭂᬍᬲ᭄ᬳᬲᬯᬶᬢ᭄ᬳᬸᬲᬸᬲ᭄᭞ᬦᬶᬭᭀᬫᬬᬵᬲᬹᬓ᭄ᬱ᭄ᬫᬵᬲᬶᬤ᭄ᬥᬶᬤᬾᬯᬵᬭᬹᬧᬵᬫᬹᬓ᭄ᬱᬂᬰᬯᬵᬦᬶᬯᬲ᭄ᬢᬸᬳᬗ᭄ᬮᬶ
ᬲᬂᬫᬸᬦᬶᬰ᭄ᬯᬭᬵᬳᬢᬸᬭ᭄ᬯᬵᬦᬓᬶᬜᬾᬓᬶᬢᬕᬸᬫᬦ᭄ᬢ᭄ᬬᬵᬦᬾᬂᬰᬯᬵᬲ᭄ᬣᬶᬢ᭄ᬬᬵᬳ᭄ᬬᬂᬳ᭄ᬬᬂᬲᬶᬭᬵᬦᬓᬸᬮᬄᬓᬵᬃᬬ᭄ᬬᬵᬤᬯᬓ᭄ᬗᭀᬂᬫᬦ᭄ᬢᬸᬓᬶᬗᬰ᭄ᬭᬫᬶᬲᬂᬮᬶᬦᬶᬗᬦ᭄ᬳᬦᬤᬸᬓᬵᬭᬵᬦᬸᬳᬸᬫᬸᬲᬧ᭄ᬢᬭᬡᬵᬭᬾᬡᬸ᭟ᬲᭀᬭᬾᬫᬮᬄᬢᬸᬫᬸᬗ᭄ᬕᬵᬂᬳᬤ᭄ᬭᬶᬲᬂᬳ᭄ᬬᬂᬲᬲ᭄ᬭᬗ᭄ᬬ
ᬫᬦ᭄ᬳᬶᬫᬵᬭᬯᬢ᭄ᬭᬯᬢ᭄ᬭᬸᬄᬢ᭄ᬫᭂᬦ᭄ᬤᬸᬓ᭄ᬫᬢ᭄ᬭᬂᬢ᭄ᬭᬸᬄᬭᬶᬭᬶᬲ᭄ᬳᬮᬶᬢ᭄ᬕ᭄ᬋᬄᬫᬦ᭄ᬤ᭄ᬭᬵᬳ᭄ᬭᬶᬂᬓ᭄ᬭᬶᬤᬸᬓᬶᬮ᭄ᬬᬦ᭄ᬓᬤ᭄ᬬᬵᬫᬶᬫᬶᬲᬶᬓᬶᬳᬯᬭᬄᬬᬦ᭄ᬲᬶᬤᬾᬂᬓᬵᬧ᭄ᬢᬶᬧᬸᬦ᭄ᬯᬂᬪᬂᬳᬓᬸᬡ᭄ᬥᬳᬢᬸᬭᬸ᭞ᬏᬦᬓ᭄ᬤᬾᬦᬶᬭᬵᬫᬸᬢᭂᬃᬲ᭄ᬫᬺᬢᬶᬭᬶᬳ᭄ᬬᬂᬩᬚ᭄ᬭᬗ᭄ᬓᬭᬵᬓᬸᬦᬶᬫᬱᬵᬫᬤ᭄ᬬᬵᬥᬮᬸᬳᬦ᭄ᬯᬵ
ᬦᬵᬰᬩ᭄ᬤᬾᬂᬮᬗᬶᬢ᭄ᬫᬹᬃᬣᬶᬦᬶᬂᬰᬯᬵᬧᬶᬦᬹᬚᬾᬗᬸᬦᬶᬲᬶᬤ᭄ᬥᬯᬾᬭᭀᬘᬡᬵᬧᬭᬫᬵᬚᬶᬦᬵᬚᬢᬶᬲ᭄ᬬᬵ ᬧᬵᬳᬶᬗ᭄ᬓᬾᬲᬩᬗ᭄ᬓ᭄ᬯᬳᬢᬸᬭᬸ᭟ᬧᬸᬧᬸᬢ᭄ᬭᬶᬤᬶᬦ᭞ᬅ᭞ᬉ᭞ᬯᬭᬵᬓ᭄ᬭᬸᬮᬸᬢ᭄᭞ᬢᬶᬢᬶ᭞ᬢᬂ᭞ᬧᬶᬂ᭞᭗᭞ᬰᬰᬶᬄ᭞ᬓ᭞᭑᭐᭞ᬭᬄ᭞᭕᭞ᬢᭂ᭞᭘᭞ᬇ᭞᭑᭘᭘᭕᭟
Page:Bali-lontar-Tojan-Brahmana Sangupati.jpg
Jump to navigation
Jump to search
This page has been proofread.
