This page has been proofread.
Ufa frajmaon hiöra
Möndła siajn,
s konzu zajn hüchia lerm,
rumpułn undyn hytła.
Ych gydöcht, ych gydöcht
maj frajmaon kymt gyryta.
Haor ej wajt,
a łaongy cajt,
haor ej yn krig gyryta.
Ych hiör uf ejn, ych hiör uf ejn,
ych wyła cy mir byta.
A kymt cy mir,
dos wysa wir,
ych wyła fest łiwa
Dos frajt mich zir, dos frajt mich zir,
haor wył myt mir łaowa.
Der frajmaon kom,
nymer yn haom,
haor ej ym krig gyfołła.
Ych bej traojrik, ych bej traojrik
y dy haom myt oła.