This page has been proofread.
Taonca an ferkiety gywönhajt
Taonc a hynder ana fir,
ho a hytła uny tir,
ho a baozum una śtejł,
ho a betła una fejł.
Dy frajłaojt kuma cy mir
düchs faonster ny cyr tir,
zy zajn by mir ny łaong,
y mer śtuw ej ka baonk.
Dy nökwyn wundyn zich zir,
wi kon ych wön uny tir,
waos ej a baozum una śtejł,
wi kon ych śłöfa una fejł.
Ych bej siun zu gywönt,
ym öwyt siajnt der mönd,
ym taog siajnt dy zun,
dos ołys gynigt mir siun.